ورالدا اسكەري قىزمەتكەرلەر شەشەن سويلەۋدەن سايىسقا ءتۇستى - فوتو

مايور ەربولات سۇلتانوۆتىڭ حابارلاعانىنداي، اتالمىش سايىسقا اقتاۋ، اتىراۋ، اقتوبە، جاڭاوزەن جانە ورال قالالارىندا ورنالاسقان اسكەري بولىمدەردەن كەلگەن، بايقاۋدىڭ ءبىرىنشى كەزەڭىندە جەڭىمپاز اتانعان جيىرمادان استام ۇمىتكەر قاتىستى.

ق ر ۇلتتىق ۇلانى «باتىس» وڭىرلىك قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، پولكوۆنيك بەرىك وماروۆتىڭ ايتۋىنشا، مۇنداي بايقاۋ ءبىرىنشى رەت ۇيىمداستىرىلىپ وتىر. وعان بارىنشا ازىرلەنگەن اسكەري قىزمەتكەرلەر كەلدى. سايىستىڭ جاۋىنگەرلەردىڭ ءسوز قۇدىرەتى مەن مادەنيەتىن تۇسىنە ءبىلۋى ءۇشىن ماڭىزى زور.

بايقاۋ قورىتىندىسىندا ورال قالاسىنداعى 5517-اسكەري بولىمنەن كەلگەن لەيتەنانت دانيار تۇرسىنوۆ «قازاقستان تاريحى»، وسى بولىمنەن قاتارداعى جاۋىنگەرلەر ايدوس شۇكىروۆ «ۇلتتىق ۇلان - قۇقىق ءتارتىبى اسكەرى»، الماز ساعىنايەۆ «ءدىني ەكسترەميزم مەن تەرروريزمگە جول جوق»، اعا لەيتەنانت رومان كۋحاريەۆ «وتباسىلىق قۇندىلىقتار»، اعا سەرجانت اسىلبەك تورەعاليەۆ «پاتروتيزم جانە وتانعا دەگەن ماحاببات»، سونداي-اق اقتوبەگى 6655-اسكەري بولىمنەن لەيتەنانت مەدەت ەسەنقۇلوۆ «قازاق جەرىنىڭ ۇلى ادامدارى» اتالىمدارى بويىنشا ۇزدىك شىعىپ، باعالى سىيلىقتارمەن ماراپاتتالدى.

بايقاۋ جەڭىمپازدارى استانادا وتەتىن قورىتىندى سايىسقا قاتىسادى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى