تۇركيا تەلەارناسى كوكپاردان ازيا چەمپيوناتىن تىكەلەي ەفيردە كورسەتپەك
قوس تاراپ قازاقتىڭ ۇلتتىق سپورت تۇرلەرىن تۇركىتىلدەس باۋىرلارىمىزدىڭ اراسىندا كەڭىنەن ناسيحاتتاۋ تۋرالى اڭگىمە ءوربىتتى، دەپ حابارلايدى اتالمىش قاۋىمداستىقتىڭ باسپا ءسوز قىزمەتىنەن.
تۇركيالىق ب ا ق وكىلى ءوز تەلەارنالارىنىڭ تەحنيكالىق مۇمكىنشىلىكتەرى ۇلتتىق سپورتتى جان- جاقتى جانە تولىق ناسيحاتتاۋعا جەتكىلىكتى ەكەنىن جانە كورەرمەندەر اراسىندا كوشپەلىلەردىڭ ءداستۇرلى ونەرىنە دەگەن قىزىعۋشىلىقتىڭ جوعارى ەكەنىن جەتكىزدى. جۇزدەسۋدە مۇرات اكوش پەن ەرلەن وسپان ءداستۇرلى سپورتتى، سونىڭ ىشىندە كوكپاردى دامىتۋ جوعارى دەڭگەيدەگى ناسيحات پەن قامقورلىقتى قاجەت ەتەتىنىن ءسوز ەتىپ، الدا بىرلەسىپ جۇمىستار جاساۋعا ۋاعدالاستى. اسىرەسە، كەلەسى جىلى تۇركيادا وتەتىن كوكپاردان ІІ- اشىق ازيا چەمپيوناتىن الدىن الا ناسيحاتتاۋ، جارىستاردى تىكەلەي ەفيردە كورسەتۋ سەكىلدى ماڭىزدى ماسەلەلەردە كەلىسىمدەرگە كەلدى.
ايتا كەتەيىك، TRT- AVAZ قوعامدىق تەلەارناسى 8 مەملەكەتكە حابار تاراتىپ، ازەربايجان، قىرعىزستان، وزبەكستان، قازاقستان سەكىلدى باۋىرلاس ەلدەردىڭ ۇلتتىق ونەرى مەن داستۇرىنەن حاباردار ەتەتىن دەرەكتى فيلمدەر مەن مۋزىكالىق باعدارلامالاردى كورەرمەنگە تۇرىك تىلىندە ۇسىنادى.
