مالدى ەتتى، ءسۇتتى قىلاتىن بيوجەم شاردارادا شىعارىلادى
«بيزنەستىڭ جول كارتاسى-2020» باعدارلاماسى اياسىندا مەملەكەتتىك قولداۋ كورسەتىلگەن كاسىپورىندا تابيعي تازا بيولوگيالىق جەم شىعارىلادى.
بۇل تۋرالى و ق و اكىمدىگىنىڭ باسپا ءسوز قىزمەتىنەن حابارلاندى.
"بۇگىنگى زاماننىڭ تالابى - وزىق تەحنولوگيالاردى وندىرىسكە ەنگىزە وتىرىپ، ونىمدىلىكتى ارتتىرۋ بولىپ تابىلادى. بيوجەم شىعاراتىن زاماناۋي قوندىرعى ەۋروپا پەن امەريكا ەلدەرىنىڭ تالاي جىلعى تاجىريبەسىن زەردەلەۋدىڭ ناتيجەسىندە ىسكە قوسىلدى. ەۋروپالىق قوندىرعىلارمەن جابدىقتالعان كاسىپورىن جىلىنا 730 توننا بيوجەم وسىرۋگە قاۋقارلى»، - دەلىنگەن باسپا ءسوز بايانىندا.
كاسىپورىننىڭ جۇمىسىنداعى پروتسەستەر قاراپايىم. ەڭ الدىمەن ارپا نەمەسە بيدايدى ءوندىرىپ، جاسىل جەلەك جەتى كۇن بويى جىلى تەمپەراتۋرادا وتتەگىمەن بايىتىلعان سۋمەن قورەكتەنەدى. وسى ۋاقىت ارالىعىندا بويى ءبىر قارىسقا دەيىن وسەدى.
جالپى ءبىر اپتادا بيوجەم دايىن بولادى. 176 شارشى مەتر اۋماقتان كۇنىنە ەكى توننا بيوجەم شىعادى. بۇل جەمدى مالدىڭ شوبىنە، باسقا دا ازىقتارىنا ارالاستىرىپ بەرسە بولادى. ەسەپ بويىنشا بيوجەممەن قورەكتەنگەن قارامالدىڭ ەت الۋى 30, ءسۇتى 20 پايىزعا ارتادى.
