باتىس ەلدەرى ايەلدى جازالاۋ تۋرالى شەشىم شىعارعانى ءۇشىن يراندى سىنعا الدى

حالىقارالىق ۇيىمداردىڭ يران بيلىگىن ءولىم جازاسىنان باستارتۋعا شاقىرعانىنا قاراماستان 26 جاستاعى رەيحانە دجابباريدى ايەلدەرگە ارنالعان تۇرمەنىڭ اۋلاسىندا دارعا اسقان. رەيحانە دجابباري سوتتى ول بۇل قادامعا تەك ءوز ءوزىن قورعاۋ ماقساتىندا بارعانىنا سەندىرە المادى.

رەيحانە دجابباري  يران بارلاۋ قىزمەتىنىڭ بۇرىنعى وكىلى مۇرتازا ابدۋلالي ءساربانديدى ولتىرگەنى ءۇشىن 2007 - جىلى قاماۋعا الىنعان بولاتىن. سوتتا ول ابۋلالي ءساربانديدىڭ ارقاسىنا پىشاق سالعانىن، الايدا ۇيدە ولاردان بولەك تاعى ءبىر ادامنىڭ بولعانىن جانە كىسى ولىمىنە ناق سول ادامنىڭ قاتىسى بارىن ايتىپ اقتالعان. دجابباري ۇستالعان بويدا جالعىز كىسىلىك كامەراعا قامالعان. ول وندا ەكى اي بويى نە وتباسى مۇشەلەرىمەن، نە قورعاۋشىسىمەن بايلانىسقا شىعا الماپتى. ال 2009 - جىلى ول تەگەراندا ءولىم جازاسىنا كەسىلگەن ەكەن.  

ب ۇ ۇ- نىڭ مالىمەتتەرى بويىنشا، يراندا تەك اعىمداعى جىلدىڭ وزىندە عانا ءولىم جازاسىن ورىنداۋ تۋرالى 250 شەشىم شىعارىلعان ەكەن.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى