يران پرەزيدەنتى ايەلدەرگە «قىشقىل شاشۋدى» ايىپتادى
سەنبى كۇنى ول يران ىشكى ىستەر مينيسترلىگى مەن ادىلەت مينيسترلىگىنە قاۋىپسىزدىك قىزمەتىمەن بىرلەسىپ، ايەلدەرگە شابۋىل جاساعانداردى تەزىرەك انىقتاپ، ۇستاۋدى تاپسىرعان. بۇعان دەيىن ىشكى ىستەر مينيسترلىگى وسى ءىس بويىنشا ءتورت ەر ادامنىڭ تۇتقىندالعانى تۋرالى حابارلاعان ەدى.
قازان ايىنىڭ ورتاسىنان بەرى يسفاحان قالاسىندا الگىندەي شابۋىلعا ۇشىراعان سەگىز ايەلگە بەلگىسىز بىرەۋلەر قىشقىل ەرىتىندىسىن شاشقان. سالدارىنان زارداپ شەككەندەردىڭ بەت- ءجۇزى كۇيىپ، كەيبىرىنىڭ كوزىنە زاقىم كەلگەن. ايەلدەرگە قارسى شابۋىلدارعا ولاردىڭ ءدىني تالاپقا ساي كيىنبەۋى سەبەپ بولۋى مۇمكىن دەگەن بولجام ايتىلادى.
ايەلدەرگە قىشقىل شاشىپ شابۋىل جاساعانداردىڭ ىسىنە نارازىلىق بىلدىرگەن جۇزدەگەن ادام 22 - قازاندا يسفاحاندا شەرۋگە شىعىپ، بيلىكتەن كىنالىلەردى تاۋىپ، جازاعا تارتۋدى تالاپ ەتكەن. مۇنداي نارازىلىق اكسياسى ەل استاناسى تەگەراندا دا وتكەن.
«ازاتتىق»
