وڭتۇستىك كورەيالىق بەلسەندىلەر سولتۇستىك كورەيا جاققا قاراي مىڭداعان شار ۇشىردى

دەپ حابارلايدى Gazeta.ru  «رەنحاپ»  اگەنتتىگىنە سىلتەمە جاساپ.

 وسىلايشا 20 مىڭعا جۋىق سىني ماعىناداعى پاراقشا اۋاعا جىبەرىلگەن. ول پاراقشالاردا ەلدە جەمقورلىقتىڭ ۋشىققانى جانە ك ح د ر- دا ادام قۇقىقتارى ساقتالمايتىنى جازىلعان. بەلسەندىلەر شارلاردى ك ح د ر- مەن شەكارالاس ورنالاسقان وڭتۇستىك كورەيالىق پحادجۋ (Paju) قالاشىعى تۇرعىنداردىڭ قارسىلىعىنا قاراماستان اسپانعا ۇشىرعان.

ر ي ا  نوۆوستي اتاپ وتكەنىندەي، سولتۇستىك كورەيالىق بيلىك ەگەر الداعى ۋاقىتتا ىشىنە پاراقشا سالىنعان شارلار ۇشىرىلاتىن بولسا، كورشى ەلدىڭ شەكارالاس ايماقتارىنا وق جاۋدىراتىندىقتارىن ەسكەرتكەن بولاتىن. مۇنداي اكسيا بۇعان دەيىن قازان ايىنىڭ باسىندا دا ۇيىمداستىرىلعان بولاتىن. ول كەزدە سولتۇستىك كورەيالىق شەكاراشىلار ۇشقان شارلاردى زەنيتتى پۋلەمەتتەرمەن اتقىلاپ، جەرگىلىكتى تۇرعىنداردىڭ زارە- قۇتىن قاشىرعان.

سولتۇستىك كورەيالىق ب ا ق وكىلدەرى مۇنداي ارەكەتتەردىڭ ەكى ەل اراسىندا تۇسىنىسپەۋشىلىككە اكەپ سوقتىرۋى مۇمكىن ەكەنىن ايتۋدا. ال ك ح در بيلىگى بۇل ارەكەتتەردى «سوعىستىڭ باستالۋىنان» حابار بەرەدى دەگەن ويدا. سول سەبەپتى سولتۇستىك كورەيا بيلىگى وڭتۇستىك كورەيامەن ارادا وتكەلى وتىرعان كەلىسسوزدەردى بولدىرماي تاستايتىنى جونىندە ەسكەرتۋ جاسادى.

ەسكە سالامىز، 2014 - جىلى قازاننىڭ باسىندا ەكى ەلدىڭ بيلىك وكىلدەرى جوعارعى دەڭگەيدەگى فورمالدى كەلىسسوزدەر جۇرگىزۋگە كەلىسكەن بولاتىن.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى