تەلەفونىڭىزبەن كولىكتى كىلتسىز وتالدىرۋ مۇمكىن بولماق

بۇل جاڭا قىزمەت ءتۇرى تۋرالى ا ق ش- تىڭ پاتەنتتىك بيۋروسىنىڭ سايتىندا حابارلانعان، دەپ جازادى autonews.ru.

 سمارتفونىندا Bluetooth-دىڭ كومەگىمەن كولىگىمەن بايلانىس ورناتۋ ارقىلى ونىڭ يەسى ءوزىنىڭ «تەمىر تۇلپارىنىڭ» قايدا ەكەنىن بىردەن بىلە الادى. سونداي- اق ول قاشىقتىقتان باسقارۋ ارقىلى اۆتوموبيلىنىڭ وتالدىرعىشىن ەشقانداي كىلتسىز ىسكە قوسىپ، جۇك سالعىشىن اۆتوماتتى تۇردە اشا الادى. ءارى، iPhone ارقىلى ماشينا يەسىنىڭ وزىنە قاي جاعىنان تاياپ كەلگەنىن «ءبىلىپ» ، قاجەتتى ەسىكتى «اشا» قويادى. ياعني، سمارفتون مەن اۆتوبوميل ءوزارا مالىمەتتەر «الماسىپ» تۇرادى. ماسەلەن، iPhone كولىك يەسىنىڭ ودان بەس مينۋتتىق جەردە ەكەنىن «اڭعارسا» ، سالونداعى جەلدەتكىشتى نەمەسە جىلىتقىشتى اۆتوماتتى تۇردە ىسكە قوسادى.

مۇنداي بايلانىس ورناتۋ CarPlay قوسىمشاسىنىڭ ارقاسىندا مۇمكىن بولىپ وتىر. ونىڭ كومەگىمەن اۆتوكولىكتىڭ مۋلتيمەديالىق جۇيەسىنىڭ ەكرانىنا ءتۇرلى قوسىمشالاردى شىعارۋعا بولادى. اتالمىش قوسىمشانى ءوز كولىكتەرىنە قوسۋدى Ferrari ، Mercedes-Benz, Volvo, BMW، Ford, Honda, Hyundai, Jaguar Land Rover، Kia, Mitsubishi, Nissan, Peugeot, Citroen, Subaru ، Suzuki جانە Toyota قولعا الماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى