ۇكىمەت مۇشەلەرى وتاندىق اياق كيىمدەردى كيەتىن بولدى

تىگىن سەحىن ارالاۋ كەزىندە مينيستر وتاندىق اياق كيىمدەردىڭ ساپاسىن جوعارى باعالادى.

جۋرناليستەردىڭ ءبىرىنىڭ «اتالعان ونىمدەردى ۇكىمەت مۇشەلەرى كيەر مە ەدى؟» دەگەن ساۋالىنا اسەت يسەكەشيەۆ «ساپاسى وسىنداي جاقسى بولسا، نەگە كيمەسكە؟» دەپ جاۋاپ بەردى.

فابريكا ديرەكتورى ايبەك بەكتۇرعانوۆ ءمينيستردىڭ كاسىپورىنعا دەمەۋقارجى تۇرىندە كومەك كورسەتۋگە ۋادە بەرگەندىگىن ايتىپ ءوتتى.

«مينيستر جەڭىل ونەركاسىپ سالاسىنداعى نەگىزگى پروبلەما - كادرلار تاپشىلىعىن شەشۋ ءۇشىن شەتەلدىك مامانداردى تارتىپ، قارجىلىق قولداۋ كورسەتۋگە ۋادە بەردى»، - دەدى ا. بەكتۇرعانوۆ.

اتالعان كاسىپورىندا قازىر 450 دەن استام ادام جۇمىس جاساۋدا. فابريكا جانىنان ەكى ايلىق وقىتۋ كۋرستار اشىلعان. مۇندا جىلىنا 500 مىڭ جۇپ اياق كيىم، 1,5 ميلليون جەڭىل كيىم كوستيۋم-شالبار، جەيدە، كۇرتە، تاعى دا باسقا كيىم تۇرلەرى شىعارىلادى.

الەمدىك رىنوكتاعى جاعدايدىڭ كۇردەلىلىگىنە قاراماستان، ق ر جەڭىل ونەركاسىپ سالاسى يندۋستريالاندىرۋدىڭ ءبىرىنشى بەسجىلدىعىندا جىل سايىن ءوسىپ وتىرعاندىعىن ايتا كەتۋ كەرەك. اتاپ وتسەك، 2010-2013 -جىلدارى وندىرىلگەن ءونىم 0,3 ميلليارد تەڭگەدەن 2,5 ميلليارد تەڭگەگە دەيىن ءوستى، ال 2014 - جىلدىڭ التى ايىندا 3,5 ميلليارد تەڭگەگە جەتتى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى