ايگىلى كومپوزيتورى باحتىڭ ءبىرقاتار شىعارمالارىن ونىڭ ايەلى جازعان

مۇنداي سەنساتسيالىق تۇجىرىمدى اۆستراليالىق چارلز دارۆين اتىنداعى ۋنيۆەرسيتەتتىڭ مۋزىكا پروفەسسورى مارتين دجارۆيس جاسادى، دەپ حابارلادى The Sunday Times گازەتى.

باحتىڭ مۋزىكالىق قولجازبالارىن تالداۋ ناتيجەسى ونىڭ كەيبىرىن كومپوزيتوردىڭ ەكىنشى ايەلى اننا ماگدالەنا شىعارعانىن كورسەتەدى. ول پارتيتۋراعا اۋەندى جاقسارتاتىن، ىرعاقتى ناقتىلايتىن وزگەرىستەر ەنگىزىپ وتىرعان. «مۇنداي تۇجىرىمعا امەريكاندىق ماماندار قولجازباعا زەرتتەۋ جۇرگىزۋ بارىسىندا كەلدى»، - دەپ اتاپ وتىلگەن گازەتتە.

اننا ماگدالەنا مۋزىكالىق ءبىلىمى بار ءانشى بولعان. ول نەگىزىنەن نوتالاردى كوشىرۋمەن اينالىسقان.

مارتين دجارۆيس پەن ءبىرقاتار ماماندار باحتىڭ شىعارمالارىنىڭ ءبىر بولىگى ونىڭ ەكىنشى جۇبايىنا تيەسىلى دەپ سانايدى. «نوتا جازۋدا قول قوزعالىسىنىڭ سيپاتى مەن ەنگىزىلگەن تۇزەتۋلەر اننا ماگدالەنانىڭ تەك ەرىنىڭ مۋزىكالىق تۋىندىلارىن كوشىرىپ قانا قويماي، ءوزى دە ولاردى شىعارۋمەن اينالىسقانىن كورسەتەدى»، - دەپ اتاپ ءوتتى وسى سالا مامانى حەيدي حاررالسون.

ماماندار سونداي- اق باح كوز جۇمعاننان كەيىن ونىڭ تۋىستارى بىردەن اننا ماگدالەنانىڭ مۇراعاتىن جويىپ جىبەرگەن دەپ كۇماندانۋدا.

پروفەسسور دجارۆيستىڭ جۇرگىزگەن وسى جۇمىستارىنىڭ نەگىزىندە دەرەكتى فيلم ءتۇسىرىلدى، ول الداعى اپتادا ۇلى بريتانيادا كورسەتىلمەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى