تاتارستانداعى ءان بايقاۋىنا قازاقستان اتىنان جانار دۇعالوۆا قاتىساتىن بولدى

ءان بايقاۋىندا ەلىمىزدى تانىتۋ ءۇشىن استاناداعى ىرىكتەۋدە 16 ءانشى باق سىنادى.

 كەشتى نۇربولات ابدۋللين اشتى. ساحناعا ەكىنشى بولىپ، مارحابا سابيەۆا شىقتى. قازىلار مۇشەسى ونىڭ ونەرىن جوعارى باعالادى. ال ناعىز ونەر سايىسى «الاش ۇلى» توبى، جانار دۇعالوۆا، سەرىك يبراگيموۆ جانە «ТТ» توبىمەن داستان ورازبەكوۆ اراسىندا قىزدى. وسىمەن ەكىنشى رەت ىرىكتەۋ سىنىنا قاتىسىپ وتىرعان نۇرجان كەرمەنبايەۆ تا ەرەكشە ونەر كورسەتتى.

بارلىق انشىلەر ونەرىن كورسەتكەننەن كەيىن 1 ساعات كەلتەحات ارقىلى داۋىس بەرۋ ءجۇردى. قازاقستاندىقتاردىڭ بەرگەن داۋىسى جانە ۇپاي ساندارىمەن ۇزدىك بولعان بەستىك انىقتالدى. ولار:

1. جانار دۇعالوۆا

2. نۇرجان كەرمەنبايەۆ

3.سەرىك يبراگيموۆ

4. «الاش ۇلى» توبى

5. داستان ورازبەكوۆ «ТТ» توبىمەن «قازاقپىن مەن» انىمەن وزىپ شىقتى.

ايتا كەتەيىك، قازىلار القاسىنىڭ قۇرامىندا كومپوزيتور جانە پروديۋسەر رەنات عايسين، ايتىسكەر اينۇر تۇرسىنبايەۆا، استانا قالاسىنىڭ مادەنيەت باسقارماسىنىڭ باسشىسى بولات ماجاعۇلوۆ، ءانشى التىناي جورابايەۆا مەن كومپوزيتور ارمان دۇيسەنوۆ بولدى.

ەسكە سالا كەتسەك، «Turkvizyon» تۇركى جۇرتشىلىعى ءۇشىن «ەۆروۆيدەنيە» بايقاۋىنىڭ بالاماسى بولىپ تابىلادى. بۇل كونكۋرستى 300 ميلليونعا جۋىق ادام تاماشالايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى