قازىرگى قازاق كينوسى دەگەندە ءبىرىنشى ەسىڭىزگە قاي فيلم تۇسەدى؟
ال 20 پايىزى «كوشپەندىلەر» دەسە، 10 پايىزى باياننىڭ بىرنەشە جوباسىن، قالعانى «بولاشاق» ، «سىرعالىم» سەكىلدى بىرنەشە قازاق تەلەسەريالدارىن اتادى. سوڭعى جىلدارى ەلىمىزدە تۇسىرىلگەن وتاندىق فيلمدەردى ءبىر اقتارىپ شىققان «الاش ايناسىنىڭ» ءتىلشىسى وقىرماندارمەن بىرگە ەڭ تابىستى دەگەن قازاق كينوسىنىڭ تۋىندىلارىن تۇگەندەپ كورمەك.
تاياۋدا nur.kz پورتالىندا بەلگىلى كينوسىنشى ولەگ بورەتسكي ۇزدىك دەپ تاپقان فيلمدەردىڭ ءتىزىمى جاريالانعان ەدى. وسى تىزىمگە سوڭعى جىلدارى تۇسىرىلگەن ا. ەرجانوۆتىڭ «قوجايىندار» فيلمى، ەمير بايعازيننىڭ «اسلاننىڭ ساباقتارى» كارتيناسى، س جولداستىڭ «قىز بەن جىگىتى» ، ەرمەك تۇرسىنوۆتىڭ «شال» جانە «كەلىن» فيلمدەرى، اقان ساتايەۆتىڭ «اداستقاندارى» ، گ. وماروۆانىڭ «باقسى» فيلمى، ارداق ءامىرقۇلوۆتىڭ «قوش بول، گۇلسارى» كارتيناسى، رۇستەم ءابدىراشوۆتىڭ «ستالينگە سىيلىق» تۋىندىسى، س. وتەپبەرگەنوۆتىڭ «مىلقاۋ سالقىندىق» فيلمدەرى ەنىپتى.
جوعارىدا اتالعان فيلمدەر نەسىمەن ۇزدىك دەسەڭىز، بۇلاردىڭ بارلىعى حالىقارالىق بايقاۋلاردىڭ جۇلدەگەرلەرى اتانعان، حالىقارالىق سىيلىقتارعا يە بولعان. كينوسىنشى اتالعان فيلمدەردىڭ ىشىندە ەرمەك تۇرسىنوۆتىڭ «شال» كارتيناسىن ۇلتتىق كينو دەۋگە لايىق دەسە، س. جولداستىڭ «قىز بەن جىگىت» فيلمىن دەبيۋت ءۇشىن جامان ەمەس دەيدى. سونداي- اق سىنشىنىڭ ويىنشا ا. ەرجانوۆتىڭ «قوجايىندار» فيلمى ىرعاعى، سيپاتى، ەستەتيكاسى جاعىنان قازاقتاردىڭ شىناي تىرشىلىگىن سيپاتتاييىن - ناعىز قازاق كينوسى. ال ەمير بايعازيننىڭ «اسلاننىڭ ساباقتارى» فيلمى كوركەمدىك جاعىنان تارتىمدى. ءوزى ۇزدىك دەپ تاپقان ءار فيلمگە جەكە توقتالعان كينوسىنشىنىڭ ويىمەن كەلىسۋگە دە، كەلىسپەۋگە دە بولادى. جوعارىدا اتالعان فيلمدەر تۋرالى ءسىز نە ويلاسىز قۇرمەتتى وقىرمان؟
وقىرماندار ويلانام دەگەنشە، ءبىز وزىمىزشە سوڭعى جىلدارى ەڭ كوپ تابىس تۇسىرگەن قازاق فيلمدەرىنىڭ ءتىزىمىن جاساپ كوردىك. ويتكەنى قازىرگى تاڭدا كينويدۋستريادا فيلمنىڭ دەڭگەيى ونىڭ تۇسىرگەن پايداسىمەن ەسەپتەلەدى ەمەس پە؟ ەندەشە كەتتىك.. .
1. قازاقستاندىق پروكاتتا ەڭ ءبىرىنشى بولىپ ميلليون دوللاردان استام تابىس اكەلگەن العاشقى فيلم اقان ساتايەۆتىڭ «رەكەتير» فيلمى. بۇل - رەجيسسەردىڭ 2007 - جىلى تۇسىرگەن العاشقى تولىقمەتراجدى فيلمى. «رەكەتير» - قازىرگى قازاق كينوسىنىڭ تاريحىنداعى ەڭ العاشقى كاسسالىق فيلم. اتالعان كارتينا پروكاتتاعى باستاپقى كۇندەرىندە 1 ميلليون 150 مىڭ دوللار جيناپ، قازاقستاننىڭ بوكس- وففيسىندە مەگاحيتكە اينالدى.
2. «جاۋجۇرەك مىڭ بالا» فيلمى دە بەلگىلى رەجيسسەر اقان ساتايەۆتىڭ تۋىندىسى. اتالعان درامانىڭ ءتۇسىرىلىم 2011 - جىلى باستالىپ، 2012 - جىلى العاش ەكرانعا شىقتى. فيلم قازاق حالقى جوڭعار شاپقىنشىلىعىنا قارسى ەرلىكپەن كۇرەسكەن XVIII عاسىردىڭ ءبىرىنشى جارتىسىن قامتيدى. سول كەزدە قازاق جاساقتارى بىرىگىپ، باسقىنشىلارعا تويتارىس بەرىپ، مايداندا شەشۋشى جەڭىستەرگە جەتكەن ەدى. كينو جەلىسى بويىنشا، وسى سوعىستا ەل ءۇشىن كۇرەسكەن جاۋىنگەر ەر- ازاماتتار قاتارىندا، جاۋجۇرەك سارتاي باتىر دا وزىندەي ورىمدەي جاس، جەتكىنشەك ساربازداردى تۋ كوتەرىپ، جورىققا باستاپ شىعادى. مىڭ بالا اتانعان سارتاي جاساعى قاراسى الدەقايدا كوپ جاۋعا ازعانا قول قارسى شاۋىپ، اراسالماقتى قازاق اسكەرى پايداسىنا وزگەرتەدى. كارتينا وتاندىق پروكاتتا 2 ميلليوندوللارعا جۋىق قارجى جيناعان.
3. قازاقستاندىق پروكاتتا تاعى دا تابىستى فيلم بولىپ سانالاتىن رەجيسسەر - تالعات تەمەنوۆ. ونىڭ سەرگەي بودروۆپەن، يۆان پاسسەرمەن بىرىگىپ قويعان «كوشپەندىلەر» تاريحي بويەۆيگى رەسەي مەن قازاقستان كينونارىعىنان 300 ميلليون تەڭگەدەي تابىس اكەلگەن. 2005 - جىلى تۇسىرىلگەن كارتينانىڭ بيۋدجەتى 34 ميلليون دوللار. فيلمدە باستى رولدەردى شەتەلدىك اكتەرلەر وينادى.
بۇل كارتينا ءبىرشاما سىنعا ۇشىراسا دا، قازاق كينو تاريحىندا وزىندىك ورنى بار كارتينا رەتىندە قالدى.
4. قازاقستاندا كاسسالى فيلمدەر قاتارىنداعى «جەل قىزى» كومەدياسى وتاندىق پروكاتتان 5 ميلليون تەڭگەدەن استام پايدا تۇسىرگەن. بۇل - جاس رەجيسسەر جاسۇلان پوشانوۆتىڭ العاشقى جۇمىسى.
5. بەلگىلى پروديۋسەر بايان ەسەنتايەۆانىڭ «عاشىق جۇرەگى» دە تابىستى كارتينالار قاتارىندا. بايان ەسەنتايەۆاعا 150 ميلليون تەڭگە كىرىس كىرگىزگەن فيلمنىڭ رەجيسسەرى - اسقار ۇزابايەۆ. جالپى باياننىڭ قانداي جوباسى دا ءوز شىعىنىن اقتاپ، ۇستىنەن پايدا تۇسىرە الادى. ايتالىق، 500 مىڭ دوللارعا تۇسىرىلگەن «ابايلا، سيىر» كارتيناسى دا ميلليون دوللارعا جۋىق پايدا اكەلدى.
6. قايرات نۇرتاس تەك ەسترادادا عانا ەمەس، كينو سالاسىندا دا جاقسى تابىس تابا الاتىنىن دالەلدەگەن بولاتىن. ءانشىنىڭ ءومىرى تۋرالى «وكىنىش» فيلمى وتاندىق پروكاتتا 100 ميلليون تەڭگەگە جۋىق تابىس ءتۇسىردى. فيلمنىڭ رەجيسسەرى - ماقسات وسپانوۆ كاسسالىق ءتۇسىم جونىنەن بەسىنشى رەجيسسەر. بەس اپتا بويى كورسەتىلگەن ونىڭ كارتيناسى 94 ميلليوننان استام پايدا ءتۇسىردى.
7. ال 2012 - جىلدىڭ ەڭ ۇزدىك كوركەم فيلمىن تۇسىرگەن ەرمەك تۇرسىنوۆتىڭ «كەلىن» جانە «شال» تۋىندىلارى پروكاتتان 83 ميلليون تەڭگە تابىس تاپتى. سونداي- اق تۇرسىنوۆتىڭ «كەمپىر» كومەدياسى دا تابىستان قۇرالاقان ەمەس.. .
قۇرمەتتى وقىرمان، ءسىز قانداي فيلمدەردى تابىستى دەپ ەسەپتەيسىز؟ «قازاق كينوسى» دەگەندە ءسىزدىڭ ەسىڭىزگە قاي فيلم تۇسەدى؟ ءتىزىمدى تولىقتىرۋعا اتسالىسىڭىز، پىكىر قوسىڭىز!!!
اۆتور: اينۇر سەنبايەۆا
«الاش ايناسى»
