الماتى اكىمى قالادان شىعار جولداردىڭ نەگە جوندەلمەي جاتقانىن ءتۇسىندىردى

الماتى اكىمى احمەتجان ەسىموۆ قالادان وبلىسقا شىعار جولدارمەن ءجۇرۋدىڭ قيىندىعى شەنەۋنىكتەردىڭ ارەكەتسىزدىگىندە دەپ ايتىپ كەتتى.

ونىڭ ويىنشا، وسى تۇرعىدا الماتى وبلىسى اكىمدىگى مەن ق ر كولىك جانە كوممۋنيكاتسيا مينيسترلىگى اراسىندا مەموراندۋمعا قول قويىلعان. الايدا، وبلىس شەنەۋنىكتەرى قۇجاتتا كورسەتىلگەن تالاپتاردى ورىنداۋعا سالعىرتتىق تانىتىپ كەلەدى. جول قۇرىلىسىن جاڭعىرتۋ قاعاز جۇزىندە قالدى.

اكىمنىڭ ايتۋىنشا، الماتى قالاسى مەموراندۋمدا كورسەتىلگەن مىندەتتەردىڭ بارلىعىن تولىعىمەن ورىندادى. اتاپ ايتقاندا، نەگىزگى كولىك ماگيسترالدارىن قالانىڭ سىرتقى شەكاراسىمەن ءتۇيىستىرىپ، جولايرىقتارىن سالدى.

«الماتىعا كىرەر جولداردىڭ كولىكتى وتكىزۋ قابىلەتىن ارتتىرۋ ماقساتىندا 2012 - جىلى الماتى اكىمدىگى مەن ق ر كولىك جانە كوممۋنيكاتسيا مينيسترلىگى الماتى - بىشكەك، قاسكەلەڭ - شامالعان، الماتى - قاپشاعاي، الماتى - قورعاس، الماتى - تالعار باعىتىنداعى تاس جولدى كۇردەلى جوندەۋدەن وتكىزۋ تۋرالى مەموراندۋمعا قول قويعان بولاتىن. ءبىز ايتقان ۋادەمىزدە تۇردىق»، - دەدى ا. ەسىموۆ.

ءوز كەزەگىندە اسەت يسەكەشوۆ اتالعان ماسەلە مينيسترلىكتىڭ ءجىتى باقىلاۋىندا بولاتىندىعىن ەسكەرتتى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى