وسكەمەننەن قىتايعا دوستىق كەرۋەنى اتتاندى
قۇرامىندا 200 كاسىپكەر بار دوستىق كەرۋەنى بىرنەشە كۇن بويى ق ح ر - دىڭ 9 ايماعىندا بيزنەس كەزدەسۋلەر وتكىزىپ، اۋىل شارۋالارى ءوز ونىمدەرىنىڭ جارمەڭكەسىن ۇيىمداستىرماق.
وتاندىق فەرمەرلەر اسپان استى ەلىنىڭ ازاماتتارىن تابيعي جانە برەندكە اينالعان ونىممەن قىزىقتىرۋدى كوزدەپ وتىر. بۇنداي تاۋارلار قىتايدا جوعارى باعاعا يە. ىسكەرلىك كەزدەسۋلەردەن بولەك شىعىس قازاقستاندىق ونەرپازدار كورشى ەلگە ارنايى كونسەرتتىك باعدارلاما ازىرلەپتى.
الميرا بيدايروۆا، «دوستىق» كەرۋەنىن ۇيىمداستىرۋشى:
بۇنداي باستامانى ءبىزدىڭ كاسىپكەرلەر قۋانا قولدايدى، سەبەبى، قىتايعا بارىپ ونىمدەرىن ساتىپ، تابىس تابادى. جانە بۇنداي جارمەڭكەلەر اي سايىن وتكىزىلسە ەكەن دەيمىز.
مۇنداي كەرۋەندەر جاقىن ارادا رەسەي مەن موڭعولياعا دا جەتەدى. سەبەبى، شىعىس قازاقستان وبلىسى قازاقستان، رەسەي، قىتاي جانە موڭعوليانى بىرىكتىرگەن «التاي - ءبىزدىڭ ورتاق ءۇيىمىز» حالىقارالىق ۇيلەستىرۋ كەڭەسىندە ءتوراعا ەتۋشى ءوڭىر بولىپ تاڭدالعان.
ازامات الدوڭعاروۆ
«استانا» ارناسى
