نيۋ-يوركتە قازاقستاندىق سۋرەتشىلەردىڭ «ماڭگىلىك دالا داۋىسى» كورمەسى اشىلدى

ونىڭ اياسىندا بەلگىلى قازاقستاندىق جانە امەريكاندىق سۋرەتشىلەردىڭ تۋىندىلارى قويىلادى، دەپ حابارلادى نيۋ-يوركتەگى قازاقتاننىڭ باس كونسۋلدىعىنان.

كورمە اياسىندا تانىمال قازاقستاندىق سۋرەتشىلەر تالعات تىلەۋجانوۆتىڭ، باقىتنۇر بۇردەسبەكوۆتىڭ، دوسبول قاسىموۆتىڭ، ەربول حاميروۆتىڭ، مەيىرجان نۇرعوجيننىڭ، سونداي-اق بەلگىلى ءمۇسىنشى اسقار نارتوۆتىڭ كارتينالارى تانىستىرىلماق.

قازاقستاندىق تاقىرىپقا ارنالعان كورمەگە ادام كروسس، كوللين بلەكارد، دجانەت كۋك، لەيلا ەلياسميكل پريتتيمەن مەن پيت دايدريچ سىندى امەريكاندىق سۋرەتشىلەر قاتىسىپ جاتىر.

شارانى قازىر ا ق ش-تا تۇراتىن قازاقستاندىق بەرىك قۇلمامىروۆ ۇيىمداستىرعان.

ول قازاقستان ونەرىنە دەگەن امەريكاداعى قىزىعۋشىلىقتى بايقاپ، وسىنداي كورمە اشۋ تۋرالى يدەياسىن جۇزەگە اسىرۋدى ويلاعان. بۇل ونىڭ وسىنداي شارالاردى وتكىزۋدەگى العاشقى جوباسى ەمەس. سونىمەن بىرگە ول ءوزى دە كارتينالارىن ا ق ش-تىڭ ءتۇرلى گالەرەيالارىندا كورمەگە شىعارادى. «ماڭگىلىك دالا داۋىسى» جوباسىندا ونىڭ ەكى كارتيناسى جۇرتشىلىق نازارىنا ۇسىنىلدى.

نيۋ-يوركتەگى كورمە قازان ايىنىڭ سوڭىنا دەيىن جالعاسادى. قازاقستان رەسپۋبليكاسىنىڭ ب ۇ ۇ جانىنداعى تۇراقتى وكىلدىگىنىڭ قولداۋىمەن قازاقستاندىق سۋرەتشىلەردىڭ ەڭبەكتەرى 27-31 قازان ارالىعىندا ب ۇ ۇ عيماراتىندا دا تانىستىرىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى