ويلاماعان جەردەن شىعىس قازاقستاننان ساقتاردىڭ ەجەلگى قابىرى تابىلدى

جەرگىلىكتى فيرمالاردىڭ ءبىرىنىڭ جۇمىسشىلارى اقتوعاي اۋىلىنىڭ جانىنداعى نىساندا جۇمىس ىستەپ جاتىپ، ادام جەرلەنگەن قورعان بولىگىنىڭ ۇستىنەن تۇسەدى. سودان قۇرىلىس جۇمىستارى بىردەن توقتاتىلادى. سول جەرگە الماتى ارحەولوگتارى شاقىرتىلىپ، ماماندار قازبا جۇمىستارىنا كىرىسەدى. قورعان بىرنەشە عاسىر بۇرىن تۇرعىزىلعان ەكەن، ءبىراق قابىردە كەيبىر ارتەفاكتىلەر ساقتالىپتى.

قولا داۋىرىنە قاتىسى بار قابىردەن ءبىزدىڭ ەرامىزعا دەيىنگى XIV- XII عاسىرلاردا ءومىر سۇرگەن ادامداردىڭ سۇيەكتەرى شىقتى. ولار كەۋدەلەرىنە تىزەلەرىن قىسىپ جاتقان. تەمىر داۋىرىندەگى قابىرلەردە باستارى باتىسقا قاراتىپ جاتقىزىلعان، ەجەلگى ساقتاردىڭ سۇيەكتەرى ساقتالعان. قورعانداعى قازۋ جۇمىستارى شامامەن ءبىر اپتادان كەيىن اياقتالادى.

«ەجەلگى جەرلەۋ راسىمدەرى تابىلعان جەر اقتوعاي ستانساسىنىڭ ىرگەسىندە ورنالاسقان. بارلىعى 19 قورعان تابىلدى. ولاردىڭ جەتەۋى ەجەلگى قولا داۋىرىنە، ال قالعان ون ەكىسى - ەرتەدەگى تەمىر عاسىرىنا جاتادى. ءاربىر قورعاندا 1-4 مولا بار. ولاردان قولا ءداۋىرىنىڭ قىشتان جاسالعان ىدىستارى مەن تەمىر داۋىرىندەگى جەبەلەردىڭ سۇڭگىسى تابىلدى»، - دەپ جەتكىزگەن قابىردى زەرتتەۋشىلەردىڭ ءبىرى، مارعۇلان اتىنداعى ارحەولوگيالىق ينستيتۋتتىڭ عىلىمي قىزمەتكەرى ەرلان قازيزوۆ.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى