استانادا قازاقستاننىڭ ءسان اپتالىعى باستالدى - فوتو
«ءبىز، استاناعا كەلگەنىمىزگە وتە قۋانىشتىمىز. مەن بۇنى قازاقستان ءسان اپتالىعىن (Kazakhstan Fashion Week) ۇيىمداستىرۋىشىلاردىڭ اتىنان ايتىپ تۇرمىن. ءبىز ءۇشىن بۇل وتە ماڭىزدى شارا، سوندىقتان بارلىق ديزاينەرلەردىڭ ەڭبەكتەرى سىزدەردىڭ تاراپتارىڭىزدان تيىسىنشە باعالانادى دەپ ۇمىتتەنەمىز»، - دەدى Kazakhstan Fashion Week-ءتىڭ پيار-ديرەكتورى بوتاگوز الدوڭعاروۆا شارانىڭ سالتاناتتى اشىلۋىنا ورايلاستىرىلعان بريفينگ بارىسىندا.
ونىڭ ايتۋىنشا، Kazakhstan Fashion Week قۇرىلعان 10 جىل ىشىندە ءبىرقاتار جەتىسىكتەرگە جەتتى.
«وسى جىلدار ارالىعىندا ءبىز شىنىمەن دە حالىققا قاجەتتى جوباعا اينالدىق دەپ ايتۋعا بولادى. ويتكەنى، ءسان الەمى تەك ديزاينەرلەردىڭ عانا ەمەس، جالپى حالىقتىڭ دا الەمگە دەگەن كوزقاراسىن وزگەرتىپ، ەلىمىزدە مادەنيەتتىڭ قالاي دامىپ جاتقانىن پاش ەتەدى»، - دەدى ب. الدوڭعاروۆا.
ايتا كەتەيىك، Kazakhstan Fashion Week بۇل شارانى قازاقستاننىڭ ونكولوگتارى مەن راديولوگتارى قوعامىمەن جانە دۇنيەجۇزىندەگى كوشباسشى فارماتسيەۆتيكالىق كومپانيالاردىڭ ءبىرى Sanofi-مەن بىرلەسە وتىرىپ، الەم ايەلدەرى كوپ شالدىعاتىن ومىراۋ وبىرىنا قارسى حالىقارالىق قوزعالىسقا ارناپ وتىر.
