ورازالى دوسبوسىنوۆتى ەسكە الۋعا ارنالعان جاس اقىندار ايتىسىنىڭ جەڭىمپازدارى انىقتالدى
ايتىستى بەلگىلى ايتىسكەر اقىن، فيلولوگيا عىلىمدارىنىڭ كانديداتى، رەسپۋبليكالىق ايتىستاردىڭ جەڭىمپازى سەرىكزات دۇيسەنعازى جۇرگىزدى.
قازىلار القاسىنىڭ قۇرامىندا ادەبيەتتانۋشى، فولكلوريست، فيلولگويا عىلىمدارىنىڭ دوكتورى، اكادەميك، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ قازاق ادەبيەتى كافەدراسىنىڭ مەڭگەرۋشىسى سەيىت قاسقاباسوۆ، استانا قالاسى تىلدەردى دامىتۋ باسقارماسىنىڭ باسشىسى ەربول تىلەشوۆ ، مەملەكەت جانە قوعام قايراتكەرى، قازاقستان رەسپۋبليكاسى ۇلتتىق سپورت تۇرلەرى قاۋىمداستىعىنىڭ پرەزيدەنتى، بەلگىلى جىراۋ بەكبولات تىلەۋحان، قازاقستاننىڭ ەڭبەك سىڭىرگەن قايراتكەرى، ايتىسكەر، جىرشى- تەرمەشىلەر وداعىنىڭ باسشىسى ءجۇرسىن ەرمان، ايتىسكەر اقىندار مارجان ەسجانوۆا، بالعىنبەك يماش بولدى.
قازىلار القاسىنىڭ شەشىمىمەن ءبىرىنشى ورىنعا اقتوبەلىك دانيار الدابەرگەن مەن ەلوردا اتىنان شىققان تاڭجارىق ەرجان يە بولدى. ولار 250 مىڭ تەڭگە اقشالاي سىيلىققا يە بولدى. ال ەكىنشى ورىندى (150 مىڭ تەڭگە) تالدىقورعاندىق اياگوز سەرىك قىزى مەن قاراعاندىلىق بوتاكوز مۇحيدەن الدى. ءۇشىنشى ورىندى (100 مىڭ تەڭگە) تارازدىق دارحان ءابدىمانات پەن و ق و اتىنان شىققان داۋرەن ىسقاق يەلەندى.
