پاۆلودارلىق ساقشى جىلقى ۇرلىعىنا قاتىستى كۇردەلى ءىستىڭ كۇرمەۋىن شەشتى
ەكى جىلقىشى 5 جىل بويى شارۋاشىلىق قوجالىعىنىڭ باسشىسىنا تيەسىلى جىلقىلاردى، قوسىمشا تولەمگە اۋىل مالدارىن قوسىپ جايىلىمدا باققان. ەسەپتەۋ كەزىندە شارۋاشىلىق قوجالىعىنىڭ مالى جەتىسپەيتىنى انىقتالدى. تەرگەۋ جىلقىشىلاردىڭ مالدى ساتقانىن، جەتپەي قالعانىن ش ق تاڭباسىن قويىپ، اۋىل تۇرعىنداردىڭ جىلقىلارىمەن الماستىرعانىن انىقتادى.
جىلقىلاردىڭ اۋىل تۇرعىندارىنا تيەسىلى ەكەنىن دالەلدەۋ ءۇشىن پوليتسيا پودپولكوۆنيگى تىڭعىلىقتى جۇمىس جۇرگىزدى، ناتيجەسىندە مالدار يەلەرىنە قايتارىلدى.
اۋىلدىقتار پاۆلودار وبلىسى ىشكى ىستەر دەپارتامەنتىنىڭ باستىعى مارات قوجايەۆقا ن. جۇماعاليەۆتىڭ اتىنا العىس بىلدىرىلگەن ۇجىمدىق حات تابىس ەتتى.
«قىزمەتكەردىڭ تىڭعىلىقتى ەڭبەگى ءۇشىن العىس سەزىمىمىزدى بىلدىرەمىز. پوليتسيا ورگاندارىندا وسىنداي ازاماتتار كوبىرەك بولسىن دەپ تىلەيمىز»، - دەلىنگەن حاتتا.
مەنشىككە قارسى قىلمىستى تەرگەۋ ءبولىمىنىڭ اسا ماڭىزدى ىستەر جونىندەگى اعا تەرگەۋشىسى نۇرلان جۇمانعاليەۆ ىشكى ىستەر ورگاندارىندا 20 جىلعا جۋىق قىزمەت ەتەدى. 2013 - جىلعى مامىردا ءى ءى د باستىعىنىڭ بۇيرىعىمەن ءى ءى د تەرگەۋ باسقارماسىنا ءىسساپارعا جىبەرىلگەن. قىزمەتتىك مىندەتتەرىن ادال ورىنداعانى جانە جەكە تىڭعىلىقتى ەڭبەگى ءۇشىن العان ءبىرقاتار كوتەرمەلەۋ ماراپاتتارى بار، دەپ حابارلادى ءى ءى د باسپا ءسوز قىزمەتىنەن.
