قىزىلوردادا توتەنشە جاعدايلار قىزمەتكەرلەرىنە كولىك تابىستالدى - فوتو

 بۇل تۋرالى وبلىس اكىمدىگىنىڭ باسپا ءسوز قىزمەتىنەن حابارلادى.

سالتاناتتى شارادا قۇتقارۋشىلارعا 13 ارنايى جاساقتالعان كولىك، قۇتقارۋ قۇرالدارىنىڭ 8 جيىنتىعى تابىستالدى. بۇل تەحنيكالاردى الۋعا وبلىستىق بيۋدجەتتەن 311 ميلليون تەڭگە قارجى جۇمسالعان.

 قۇتقارۋشى قىزمەتى - قىراعىلىق پەن شاپشاڭدىقتى، باتىلدىق پەن ۇلكەن جاۋاپكەرشىلىكتى تالاپ ەتەتىن ماماندىق. اۋا رايىنىڭ ىستىق- سۋىعىنا قاراماي ەلدىڭ قاۋىپسىزدىگى ءۇشىن ءوز ءومىرىن تاۋەكەلگە تىگىپ جۇرگەن جانداردا قۇرمەت كورسەتىلدى.

جالپى، توتەنشەلىكتەر قانداي جاعدايعا بولماسىن تاۋلىكتىڭ كەز كەلگەن ۋاقىتىندا دايىن بولۋى كەرەك. سالتاناتتى شارا بارىسىندا ءورت سوندىرۋشىلەر توتەنشە جاعدايعا دايىندىق بارىستارىن كورسەتتى.

 «سوڭعى جىلدا ايماعىمىزدا توتەنشە جاعداي 19 پايىزعا ازايسا، زارداپ شەگۋشىلەر 44,9 پايىزعا تومەندەپ وتىر. سونداي- اق، سىرداريا وزەنى بويىندا 26 قاۋىپتى ايماق بار. كوكتەمگى سەڭ ءجۇرۋ كەزىندە بۇل اۋماقتاردىڭ قاۋىپسىزدىگىن ساقتاۋ ءۇشىن وبلىستىق بيۋدجەتتەن 703 ميلليون تەڭگە قارجىنى قازىردەن ءبولىپ قويدىق. بۇگىن تابىستالىپ وتىرعان جاڭا كولىكتەر جازاتايىم وقيعالاردان زارداپ شەگۋشىلەردىڭ قاتارىن ازايتۋعا سەپتىگىن تيگىزسىن» ، - دەدى وبلىس اكىمى ق. كوشەربايەۆ.

ايتا كەتەيىك، جالپى جىل باسىنان بەرى توتەنشەلىكتەرگە 300 مىڭداي قوڭىراۋ تۇسكەن، وسى شاقىرتۋلاردىڭ نەگىزىندە 415 ادامنىڭ ءومىرىن قۇتقارعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى