قىتاي تەلەارناسى قازاقستان تۋرالى دەرەكتى فيلم ءتۇسىردى

ەلىمىزدىڭ تابيعاتى مەن ەكونوميكالىق دامۋىنان حاباردار ەتەتىن جاڭا تۋىندى قىتاي ەلىنىڭ ورتالىق تەلەارناسىنان 2015 - جىلدىڭ ناۋرىزىنان باستاپ كورسەتىلەتىن بولادى.

بۇل تۋرالى تۋريزم يندۋسترياسى ۇلتتىق قاۋىمداستىعىنىڭ پرەزيدەنتى گاۋھار جەڭىسبەك ايتتى.

China Movie Chanel وكىلدەرىنىڭ ايتۋىنشا، فيلم بەس ەپيزودتان تۇرادى. ءار ءبولىمنىڭ ۇزاقتىعى 20 مينۋتقا سوزىلادى. بۇل بولىمدەر «ەكسپو-2017» ، قازاقستان تالعامى، ۇلى جىبەك جولىمەن، قازاقستان حالقى، كادر سىرتىنداعى دۇنيە تاقىرىبىنا ارنالعان. 

قىتايدىڭ ءتۇسىرىلىم كومانداسىن دەرەكتى فيلمدەر رەجيسسەرى نينو ۆانگ باستاپ كەلدى. قىتايلىقتار قازاقستاننىڭ 7 قالاسىنداعى جانە الماتى وبلىسىنداعى مادەني- تاريحي نىسانداردا بولىپ قايتتى. 

نينو ۆانگ وسى ۋاقىتقا دەيىن الەمنىڭ 40 ەلى تۋرالى دەرەكتى فيلم تۇسىرگەن. تۋريزم يندۋسترياسى ۇلتتىق قاۋىمداستىعىنىڭ پرەزيدەنتى گاۋھار جەڭىسبەكتىڭ ايتۋىنشا، بۇل تۋىندى قازاقستاننىڭ سىرتقا تانىلۋىنا ىقپال ەتىپ، تۋريستەر اعىنىن ارتتىرادى.

«CCTV6 ارناسى ەۋروپادا، الەمدە كورسەتىلەدى. ولاردىڭ اۋديتورياسى 850 ميلليون. ادامدى قۇرايدى. بۇل فيلم شەتەلدىكتەرگە قازاقستاننىڭ ءومىرىن تانىستىرادى. وسىنىڭ ارقاسىندا ەلىمىزگە اعىلاتىن تۋريستەر سانى 2-3 ەسەگە ارتادى دەپ ۇمىتتەنەمىز»، - دەدى گ. جەڭىسبەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى