دەپۋتات قۇلىپتالىپ وتىراتىن شەنەۋنىكتەردى سىنادى
«مەملەكەتتىك قىزمەتشىلەر حالىق ءۇشىن جۇمىس جاسايدى، ءبىراق قازىرگى كەزدە اۋىلدىق وكرۋگتىڭ اكىمدەرىنەن باسقا، قالا، اۋدان، مينيسترلەرگە دەيىن كىرۋ مۇمكىن ەمەس. سەبەبى، ءارقايسىسىنىڭ الدىندا پوليتسيا قىزمەتكەرى نەمەسە پوليتسيا بولماعان جاعدايدا، جەكەلەگەن كۇزەت قىزمەتتەرىنىڭ قورعاۋىندا تۇر. ەڭ كىشىسى، حالىقپەن جۇمىس جاسايتىن دارىگەرلىك مەكەمەلەردىڭ، ەمحانالاردىڭ وزىندە وسىنداي جاعداي قالىپتاسقان. مەملەكەتتىك دەڭگەيدە جەكەلەگەن ادامدارعا ونىڭ قاجەتتىلىگىن، رەجيمدىك نىساندى قورعاۋدىڭ قاجەتتىلىگىن تۇسىنەمىز»، - دەدى سەناتور سارسەنباي ەڭسەگەنوۆ.
دەپۋتات مينيسترلىكتەر ءۇيىنىڭ ءاربىر كىرەبەرىسىندە كەلۋشىلەر پوليتسيا قىزمەتكەرلەرىنىڭ تىركەۋىنەن وتەتىنىن ايتا كەلە، مينيسترلەر كابينەتتەرىن ءبولىپ تاستاپ، قوسىمشا كۇزەتىلەتىنە نارازىلىق ءبىلدىردى.
«وعان ارناۋلى قۇلىپ قويىلعان نومىرىنە كىرەتىن، قاباتتى ءبولىپ تاستاعان تۇتاستاي. بۇل مينيسترلەر كىمنەن قورعالىپ جاتىر سوندا؟ قانداي قاۋىپ ءتونىپ تۇر ول مينيسترلەرگە؟ عيماراتتىڭ ءوزى قورعاۋدا تۇر. وعان قانشا شىعىن شىعىپ جاتىر مەملەكەت ەسەبىنەن. بۇل دا رەتتەلمەگەن نارسە. ءاربىر پوليتسيا جەتپەگەن جەردە جەكە قۇرىلىمداعى كۇزەت مەكەمەلەرىن ۇستاۋعا مەملەكەت بيۋدجەتىنەن قارجى كەتىپ جاتىر. ونىڭ ار جاعىن قاراسا دا ۇلكەن ماسەلەلەر شىعۋى مۇمكىن. ءسىزدىڭ ويىڭىزشا، وسىنى رەتتەۋ قاجەت پە؟»، - دەپ تولىقتىردى ق. قوجامجاروۆ مىرزاعا باعىتتالعان ساۋالىن ول.
وعان جاۋاپ بەرگەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قايرات قوجامجاروۆ رەجيمدىك نىسانداردىڭ كۇزەتىلۋ ماڭىزدىلىعىن اتاپ ءوتتى.
«بۇگىنگى كۇنى ەلىمىزدە دە جانە ەل توڭىرەگىندە دە كوپتەگەن ءتۇرلى جايسىزدىق، كەلەڭسىز وقيعالار بار. تەرروريزم اكتىسى تاعى بار. سول سەبەپتى، بۇل - 2009-2011 - جىلدارى قابىلدانعان شارا. تەك قانا جالعىز مينيستردىڭ قابىلداعان شەشىمى ەمەس، بۇل ۇكىمەت دەڭگەيىندە سول كەزدە قابىلدانعان. ءبىزدىڭ مينيسترلەر مەن اۋدان، وبلىس باسشىلارى، ارينە، ءبىزدىڭ حالقىمىزعا جاقىن بولۋى كەرەك. تەك قانا كەستەسىندە كورسەتىلگەن ۋاقىتىندا عانا ەمەس، كەز كەلگەن مەزەتتە ازاماتتار ءۇشىن كەرەك. بىزدىڭ ويىمىزشا، ولاردىڭ كىرۋگە قاقىسى بار. سول سەبەپتى, بۇل توڭىرەكتە دە جۇمىس جاساۋعا مەن سىزدەرگە ۋادە بەرەمىن»، - دەدى ول.
ديانا قۇلماعانبەتوۆا
