ك. ءماسىموۆ: جاپون مەن قازاقستان ارىپتەستىگى ءوز جەمىسىن بەرەدى

بۇل تۋرالى بۇگىن جاپونيا مەن قازاقستاننىڭ ەكونوميكالىق ارىپتەستىك بويىنشا ۇكىمەتتىك جانە جەكە سەكتورلاردىڭ بىرلەسكەن كوميسسياسىنىڭ 5- وتىرىسىندا ق ر پرەمەر-ءمينيسترى كارىم ءماسىموۆ ايتتى.

«تاڭەرتەڭنەن بەرى مەن ءبىرقاتار جاپوندىق ءىرى كومپانيالاردىڭ باسشىلارىمەن كەزدەستىم. سول كەزدەسۋلەردەن تۇيگەن ويىم، ءبىزدىڭ ارىپتەستىگىمىزدىڭ اياسى وتە كەڭ. ويتكەنى ءبىزدىڭ ەكونوميكالارىمىز ءبىرىن-ءبىرى تولىقتىرادى. جاپونيانىڭ باستى ارتىقشىلىعى - زاماناۋي تەحنولوگيالارى، ولاردى الەمدەگى ەڭ مىقتى تەحنولوگيالار دەۋگە بولادى. ال قازاقستاننىڭ ارتىقشىلىعى - تابيعي بايلىقتىڭ مول قورى مەن ەڭبەككە ەرەكشە قۇشتار قازاق حالقى» ، - دەدى ول.

ونىڭ ايتۋىنشا، مۇنداي ەرەكشەلىكتەر ەكى ەلگە دە پايداسىن تيگىزەدى.

«مەنىڭ ويىمشا، بۇل ارتىقشىلىقتار بىزگە اتوم ونەركاسىبى سالاسىنداعى ارىپتەستىكتە ۇلكەن سينەرگيا بەرەدى. سونىمەن قاتار اۆتوموبيل شىعارۋدا دا جەتىستىكتەرگە قول جەتكىزەمىز. بۇل سالادا قازىردىڭ وزىندە ناقتى مىسالدار بار. بۇگىن گيبريد اۆتوموبيلدەر نەمەسە تولىقتاي ەلەكتروموبيلدەر شىعارۋدى دامىتۋ تۋرالى ۇسىنىستار ايتىلدى. بۇلاردى دامىتۋ ءۇشىن ۇكىمەت تاراپىنان قانداي دا ءبىر قولداۋ مەن جەڭىلدىكتەر قاجەت»، - دەپ اتاپ ءوتتى ق ر پرەمەر-ءمينيسترى.

ونىڭ ايتۋىنشا، سونىمەن قاتار ارىپتەستىك اياسىندا عارىش سالاسى مەن اۋىل شارۋاشىلىعىن دامىتۋ جانە باسقا دا كوپتەگەن باعىتتار بويىنشا ءبىرشاما جەتىستىكتەر بار.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى