الەمنىڭ ەڭ باي بالالارى انىقتالدى
گەورگ الەكساندر لۋيس حانزادا، 1 جاستا، 1 ميلليارد دوللار
اعىلشىن تاعى مۇراگەرلەرى جەلىسىندە ءۇشىنشى بولىپ تۇرعان بۇل بالا تاجبەن بىرگە بيلىكتى عانا ەمەس، اسىپ-تاسىعان داۋلەتكە دە يە بولۋى مۇمكىن. گەورگتىڭ يەلىگىنە جالپى قۇنى ءبىر ميلليارد دوللاردان اساتىن اكتيۆتەر وتەدى جانە بۇل - تەك اكەسىنىڭ داۋلەتى عانا. باسىلىمنىڭ مالىمەتىنشە، گەورگ باس مونارح اتانباسا دا، ونىڭ مەملەكەتتىك قازىنادان الاتىن تابىسى جىل سايىن 400 ميلليون فۋنتقا جەتپەك، سەبەبى ۇلى بريتانيادا سالىق كورول اۋلەتىنىڭ قاجەتتىلىكتەرىن سۋبسيديالاۋعا جۇمسالادى.
سۋري كرۋز، 8 جاستا، 270 ميلليون دوللار
سۋريدىڭ ستيلدى كيىمدەرگە تولى بىر گاردەروبى ونىڭ اتا-اناسى توم كرۋز بەن كەتي حولمس ءۇشىن 3 ميلليون دوللارعا تۇسەدى. سونىڭ ارقاسىندا سۋري الەمنىڭ ەڭ سانقوي بالالارىنىڭ ءبىرى اتانىپ ءجۇر. ونىڭ كەيبىر كيىمدەرى تىم قىمبات - Dolce&Gabbana پلاششى 2140 دوللار تۇرادى، ال قىز ونى ۇزاق كيگەن جوق. بىردە روجدەستۆو مەرەكەسىندە اناسى سۋريگە جىلۋ، سۋ، ەلەكتر جۇيەلەرى بار ويىنشىق ءۇي سىيلادى، قۇنى - 24 مىڭ دوللار.
ۆالەنتينا پالوما پينو، 7 جاستا، 12 ميلليون دوللار
اكتريسا سالما حايەك پەن ميللياردەر فرانسۋا انري-پينونىڭ قىزى ۆالەنتينا يتاليانىڭ ايگىلى گالا-كونسەرتتەرىنە قاتىسىپ، اناسىمەن بىرگە بەدەلدى قىزىل كىلەمدەرمەن ءجۇرىپ كورگەن. ءۇش جاسىنان بەرى ءۇش تىلدە ەركىن سويلەيدى، جازعى كانيكۋلىن سەن-بار ارالىنداعى ليۋكس-كۋرورتتا وتكىزەدى. ونىڭ اكەسى لوس-اندجەلەستەگى ۆالەنتينانىڭ اتىنا بەرىلگەن ءزاۋلىم ءۇيدى كۇتىپ ۇستاۋ ءۇشىن ايىنا 50 مىڭ دوللار جۇمسايدى. بۇل ءۇيدىڭ ءوزى 12 ميلليون دوللار تۇرادى. ال وليگارحتىڭ ءوز بايلىعى - 16،2 ميلليارد دوللار.
دجەيدەن سميت، 16 جاستا، 8 ميلليون دوللار
ۋيلل جانە دجادا پينكەت سميتتەردىڭ ۇلكەن ۇلى دجەيدەن ايگىلى اكتەر دجەكي چانمەن بىرگە تۇسكەن «كاراتە-پاسان» فيلمى ءۇشىن 5 ميلليون دوللار تابىسقا يە بولدى. ول بۇرىنىراقتا اكەسىمەن بىرگە «باقىت قۋالاعاندا»، «جەر توقتاپ قالعان كۇنى» كارتينالارىندا دا ويناعان ەدى. كينوعا تۇسۋمەن بىرگە دجەيدەن ءوزىنىڭ رەپ ايتۋ جانە بي ونەرىنەن دە زور تابىس تۇسىرەدى، بۇعان قوسا، ءوزىنىڭ جەكە ءسان برەندى بار. ءسويتىپ، باقىتقا قالاي جەتۋگە بولاتىنىن بىلەتىن ەڭبەكقور بالا جىلىنا 8 ميلليون دوللار تابىس تابادى. دجەيدەن - قايىرىمدى بالا، ول زامبياداعى سپيد-كە قارسى كۇرەس ءۇشىن تۇراقتى تۇردە قوماقتى قارجى بولىپ وتىرادى.
ريكو رودريگەس، 16 جاستا، 4 ميلليون دوللار
مەكتەپ وقۋشىسى ريكو اۆس تەلەارناسىنداعى «قازىرگى زامانعى وتباسى» سەريالىنا ءتۇسىپ، تانىمال بولدى. سونىمەن بىرگە، باسقا دا كوركەم فيلمدەردە وينادى. كينوداعى رولدەرى ونىڭ بايلىعىن 4 ميلليون دوللارعا جەتكىزدى.
دجوردان كەيسي، 13 جاستا
يرلانديانىڭ ۋوتەرفورد گرافتىعىندا تۇراتىن بۇل جاسوسپىرىم 13 كە تولماي جاتىپ، II سالاسىنىڭ تابىستى بىلگىرى اتاندى. ول iTunes كە ارنالعان ءۇش ويىن جاساپ شىعاردى. ول 10 جاسىندا كومپيۋتەرلىك باعدارلامالاردى ءۇش تىلدە جاساي الاتىن بولدى. iOS وپەراسيالىق جۇيەسىن جاساۋشىلاردىڭ ەڭ جاس وكىلى از اقشا تاپپايدى، دەگەنمەن ونىڭ ناقتى مولشەرى بەلگىسىز.
يزابەللا باررەت، 7 جاستا، 2 ميلليون دوللار
يزابەللا ميلليونداعان داۋلەتكە سۇلۋلىق بايقاۋلارىنا، تەلەۆيزيالىق دۋماندارعا قاتىسۋ ارقىلى جانە بالالارعا ارنالعان ءوز زەرگەرلىك بۇيىمدار جەلىسىن اشىپ قول جەتكىزدى. Toddlers and Tiaras تەلەباعدارلاماسىنىڭ بۇرىنعى قاتىسۋشىسى 10 مىڭ دوللار تۇراتىن كويلەكتى كيەدى. كەشكى اسقا بىرنەشە مىڭ دوللار جۇمساي الادى، جاساندى توتىعۋ مەن الىنبالى كىرپىك-تىرناقتار ءۇشىن كۇن سايىن جۇزدەگەن دوللار شىعىندايتىنى تاعى بار. ونىڭ بيىك وكشەلى 60 جۇپ تۋفليى بار. قىز بالا نەگىزگى تابىستى Glitzy Girl ماركاسىنان تۇسىرەدى، بۇل برەند ەرىنگە ارنالعان جىلتىراق، بىلەزىك، اشىق ءتۇستى ماساتى كوفتالار وندىرەدى.
پرينس مۋلاي ەل حاسسان، 11 جاستا، 2،5 ميلليارد دوللار
ماروككو كورولى موحاممەد V پەن حانشايىم لاللا سالمانىڭ ۇلى مۋلاي كەلەشەكتە ەۋروپا مەن افريكا ءۇشىن ستراتەگيالىق ماڭىزى بار ەلدىڭ بيلەۋشىسى اتانادى. ەلدەگى ءداستۇر بويىنشا حانزاداعا اكەسىنىڭ داۋلەتىنەن 2،5 ميلليارد دوللار جانە وتباسىنىڭ ينۆەستيسيالىق كومپانياسىنان 60 پايىز باقىلاۋ پاكەتى بەرىلەدى.
دەننيلين حوۋپ بيركحەد-مارشالل، 8 جاستا، 59 ميلليون دوللار
كىشكەنتاي دەننيلين اناسى - مودەل اننا-نيكول سميتتەن جانە اعاسىنان ايىرىلعان. بۇل ەكەۋى قايعىلى قازاعا ۇشىرادى. ال ونىڭ بيولوگيالىق اكەسى لارري بيركحەد قىزدىڭ اكەسى ەكەنىن دالەلدەۋ ءۇشىن بىرنەشە اي سوتتىڭ تابالدىرىعىن توزدىردى. التى جاسىندا دەننيلينگە اناسى ءوز يەلىگىندەگى جەردى جانە 10 ميلليون دوللاردى مۇراعا قالدىردى. اننا-نيكول قارت ماگنات گوۆارد مارشاللعا كۇيەۋگە شىققان بولاتىن، ومىرلىك سەرىگى ولگەننەن كەيىن سوت ونىڭ مۇراسىنان 49 ميلليون دوللاردى ءسابي دەننيلينگەءبولۋ تۋرالى قاۋلى شىعاردى.
«الاش ايناسى»
