بەيبىت ىستىبايەۆ «الەم بارىسىنا» ازىرلىگى قانداي ەكەنىن ايتتى

«كوڭىل-كۇيىم جاقسى. جەرلەستەرىمنىڭ قولداۋىن سەزىنەمىن، ءتيىستى دەڭگەيدە دايىندالىپ جاتىرمىن. ارينە، ءبارىن رينگتەگى دودا شەشەدى، ءبىراق مەن دە سوڭىنا دەيىن تىرىسامىن»، - دەدى ب. ىستىبايەۆ «الەم بارىسىنا»  قاتىسۋشىلار جينالىپ جاتقان پاۆلودار قالاسىندا.

ەسكە سالساق، 25- قازاندا قازاقستاندا العاش رەت قازاقشا كۇرەس بويىنشا «الەم بارىسى» حالىقارالىق ءتۋرنيرى وتەدى. پاۆلوداردا 90 كەلى سالماق ساناتىنداعى پالۋاندار سىنعا تۇسەدى، جارىسقا الەمنىڭ 30 دان استام ەلىنەن سپورتشىلار قاتىسپاق. تۋرنيردىڭ جالپى جۇلدە قورى 150 مىڭ دوللاردى قۇرايدى.

جاقىندا «الەم بارىسى» تۋرنيرىندە قازاقستاننىڭ نامىسىن قورعايتىن پالۋانداردىڭ ەسىمدەرى بەلگىلى بولدى. وعان جامبىلدىق بەيبىت ىستىبايەۆتان باسقا «قازاقستان بارىسى-2013» جەڭىمپازى شىعىس قازاقستاندىق ايبەك نۇعىماروۆ، «قازاقستان بارىسى-2014» تۋرنيرىنىڭ كۇمىس جۇلدەگەرى قاراعاندىلىق اسىل بارمەنوۆ جانە قولا جۇلدەگەر قىزىلوردالىق رۋسلان ءابدىرازاقوۆ.

جامبىل وبلىستىق سپورت باسقارماسىنان حابارلاعانداي، 90 كەلىدەن استام سالماقتا باسەكەگە تۇسەتىن بەيبىت ىستابايەۆ پاۆلودارداعى «الەم بارىسى» تۋرنيرىنە عانا ەمەس، تارازدا جوسپارلانعان 2- «ەۋرازيا بارىسى» حالىقارالىق تۋرنيرىنە دە قاتىسۋعا نيەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى