يتتىگىن ىستەدى
كانادانىڭ Global Edmonton تەلەارناسىنىڭ جۇرگىزۋشىسى مايك سوبەل جۇرتشىلىققا اۋا رايىن ايتپاق بولىپ تىكەلەي ەفيرگە يتپەن شىقتى. مۇنداعى ماقسات نە؟
ءبىر ءيت تەلەارنانىڭ ماڭىن تورۋىلداپ، كەتپەي قويعان. ادامعا جۇعىمدى بولعان ول تەلەجۋرناليستەرگە دە باۋىر باسىپ قالعان. ال ونىڭ قوجايىنى كىم؟
جوعالعان ءيتتى جارنامالاۋ ءۇشىن جانە ونىڭ يەسىن تابۋ ءۇشىن تەلەجۋرناليست مايك سوبەل ونى ستۋدياعا الىپ شىعادى. جەتى مينۋتتىق اۋا رايىن حابارلاۋ بارىسىندا ءيت يتتىگىنە باسىپ، تەلەجۋرناليستى تىستەلەپ، جان-جاعىندا «ويناقتاي» باستايدى.
مايكتىڭ ايتقانىن تىڭداماي اقىرى موينىنا بايلانعان ءجىپتى دە ءۇزىپ تاستايدى. ءجىبى ۇزىلگەن سوڭ ءيت اۋا رايىنىڭ كەستەسى باسىلعان، تاقتانىڭ ماڭايىندا دا، تەلەكامەرانىڭ الدىندا ويناقتاپ جۇرەدى. اقىرى ءىشى پىسقان بولۋى كەرەك، ءبىر كەزدە ەركەلەپ، مايك سوبەلدىڭ ۇستىنە سەكىرىپ، تەلەجۋرناليستى ابدەن اۋرەگە سالادى. ءبىراق ءوزىنىڭ قىزمەتىن ابىرويمەن اتقارىپ شىققان تەلەجۋرناليست ءوزىنىڭ ۋاقىتى بىتكەنشە تىكەلەي ەفيردى تاستاپ كەتپەي، اۋا رايىن تولىق ايتىپ شىعادى.
بۇعان دەيىن دە جوعالىپ كەتكەن تالاي ءۇي جانۋارلارىن يەسىن تەلەارنا ارقىلى ىزدەيتىن تەلەجۋرناليستەر مۇنداي توسىن وقيعانىڭ ءبىرىنشى رەت كەزدەسكەنىن ايتىپ وتىر.
«ايقىن»
