استانادا بەلگىلى قوعام قايراتكەرى ساكەن ءجۇنىسوۆ تۋرالى دەرەكتى فيلمنىڭ تۇساۋكەسەرى ءوتتى - فوتو
ساكەننىڭ شىعارماشىلىق ومىرىنەن سىر شەرتەتىن بۇل دەرەكتى فيلمدى ساكەن ءجۇنىسوۆتىڭ ءىنىسى «قازاق فيلم» كينو ستۋدياسىنىڭ دەرەكتى فيلمدەر رەجيسسەرى ورال ءجۇنىسوۆ ءتۇسىرىپتى.
ول فيلمدى ءتۇسىرۋ وڭايعا سوقپاعانىن، كەيبىر دەرەكتەردىڭ كەزىندەگى سولاقاي ساياساتتىڭ سالدارىنان جوعالىپ كەتكەنىن ايتتى.
«ءبىر ساعاتقا سوزىلعان دەرەكتى فيلم اعامىزدىڭ ومىرىنەن قيىلىپ الىنعان ۇزىك سىرلار عانا. ءومىرى مەن ەڭبەك جولىن تولىق قامتيتىن كولەمدى فيلم ءتۇسىرۋ وڭاي ەمەس. ءبىرىنشى سەبەپ، قارجىعا كەلىپ تىرەلسە، ەكىنشى سەبەپ، ساكەن تۋرالى كوپتەگەن ەستەلىكتەر مەن دەرەكتەردىڭ ءار ءتۇرلى سەبەپتەرگە بايلانىستى جويىلىپ كەتكەندىگى»، - دەدى ورال ءجۇنىسوۆ.
سونداي-اق، جازۋشىنىڭ ءىنىسى ساكەندى تانۋ، ساكەندى زەرتتەۋ بۇگىنگى ۇرپاقتىڭ ءىسى ەكەنىن دە اتاپ ءوتتى.
كۇنسۇلتان وتارباي 
