استانادا ەلىمىزدىڭ ۇزدىك جاس ەكونوميستەرىنىڭ ەسىمدەرى اتالدى
جەڭىمپاز اتانعاندار: ايگەرىم اشىقبايەۆا (1 - ورىن) - ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ ستۋدەنتى؛ انارا ابيلاكيموۆا (2 - ورىن) - قازاقستان- بريتان تەحنيكالىق ۋنيۆەرسيتەتىنىڭ ستۋدەنتى؛ ەكاتەرينا پوپوۆا (3 - ورىن) - م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى، قۋانىش مۇلداجانوۆ (3 ورىن) - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى.
«بۇل بايقاۋ ماعان ەلىمىزدىڭ ەكونوميكالىق سالاسىن دامىتۋداعى ءوزىمنىڭ كوزقاراسىممەن بولىسۋگە مۇمكىندىك بەردى. جۇمىستارىم جوعارى باعالانعانىنا جانە ەكونوميكالىق زەرتتەۋلەر ينستيتۋتىندا كاسىبي سىناقتان ءوتۋ مۇمكىندىگى پايدا بولعانىنا وتە قۋانىشتىمىن. مەن ءۇشىن بۇل تاجىريبە مەنىڭ كاسىبي وسۋىمە وتە جاقسى ىقپال ەتەدى دەپ ويلايمىن»، - دەپ ويىمەن ءبولىستى ايگەرىم اشىقبايەۆا.
بايقاۋ قازاق جانە ورىس تىلدەرىندە وتكىزىلدى.
«جاس ساراپشى-2014» بايقاۋى كۇزدىڭ باسىندا جاريالانعان بولاتىن، 30 - قىركۇيەككە دەيىن ستۋدەنتتەر ەكونوميكالىق تاقىرىپتاعى ەسسەلەرىن جانە وزدەرى تۋرالى اقپاراتتاردى جىبەردى.
جاستار مىناداي تاقىرىپتاردا وزدەرىنىڭ ويلارىمەن ءبولىستى: قازاقستان-2050؛ قازاقستاندا ەڭبەك نارىعىن دامىتۋدىڭ ماسەلەلەرى مەن بولاشاعى؛ سەرۆيستىك ەكونوميكا؛ اۋىل اۋماقتارىن تۇراقتى دامىتۋ؛ ق ر شەكارالاس اۋماقتارى - ەكونوميكالىق ءوسۋ مەجەلەرى رەتىندە.
بايقاۋعا رەسپۋبليكامىزدىڭ 40 ج و و-سىنان 220 عا جۋىق سۇرانىمدار كەلىپ ءتۇستى. الدىن الا ىرىكتەۋ ناتيجەلەرى بويىنشا 30 قاتىسۋشى تاڭداپ الىندى.
ودان ءارى ستۋدەنتتەردىڭ الدىندا «قازاقستان-2050» ەكونوميكاسى جاڭا قۇرىلىمىنىڭ عىلىمي تالاپتارى؛ قازاقستاندا ادام كاپيتالىنىڭ ساپاسىن ارتتىرۋ؛ ق ر جاسىل ەكونوميكانى دامىتۋ؛ ءبىرىڭعاي ەكونوميكالىق كەڭىستىكتەگى قازاقستاننىڭ شاعىن جانە ورتا بيزنەسىنىڭ باسەكەگە قابىلەتتىلىگى؛ قازاقستاننىڭ شاعىن قالالارىنداعى وڭتايلى بايلانىس؛ قازاقستاندا سەرۆيستىك ەكونوميكانى جانە قىزمەت كورسەتۋ سالاسىن دامىتۋ تۋرالى كەيس-تاپسىرمالاردى ورىنداۋ مىندەتى تۇردى.
كەيستەردى ۇزدىك ورىنداپ شىققان 10 ستۋدەنت ەلورداعا اڭگىمەلەسۋگە شاقىرىلدى. كونكۋرستىق كوميسسيا اڭگىمەلەسۋدىڭ قورىتىندىسى بويىنشا ءۇش جۇلدەگەردى ىرىكتەپ الدى.
جەڭىمپازدار ديپلومدارعا، باعالى جۇلدەلەر مەن سىيلىقتارعا يە بولدى. سونىمەن قاتار ستۋدەنتتەر ق ر ۇلتتىق ەكونوميكا مينيسترلىگىنىڭ ەكونوميكالىق زەرتتەۋلەر ينستيتۋتىندا سىناقتان ءوتۋ مۇمكىندىگىن الدى.
ماراپاتتاۋ سالتاناتىنا كونكۋرستىق كوميسسيانىڭ مۇشەلەرى: «بولاشاق» قاۋىمداستىعى كەڭەسىنىڭ مۇشەسى، ق ر ۇلتتىق ەكونوميكا ۆيتسە-ءمينيسترى ءمادينا ابىلقاسىموۆا، «ەكونوميكالىق زەرتتەۋلەر ينستيتۋتى» ا ق پرەزيدەنتى ماقسات مۇقانوۆ، «بولاشاق» قاۋىمداستىعى كەڭەسىنىڭ مۇشەسى، «قازمۇنايگاز» اق تالداۋ جانە بولجام جاساۋ دەپارتامەنتىنىڭ ديرەكتورى دارمەن ءسادۋاقاسوۆ، «ەكونوميكالىق زەرتتەۋلەر ينستيتۋتى» ا ق ساراپشىلارى قاتىستى.
ءبىلىم دوداسىن «بولاشاق» قاۋىمداستىعى، قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن «ەكونوميكالىق زەرتتەۋلەر ينستيتۋتى» اق پەن قازاقستان رەسپۋبليكاسى ۇلتتىق ەكونوميكا مينيسترلىگى ۇيىمداستىردى.
