قازاقستاندىقتار ازيا پاراويىندارىندا جۇلدەلەر سانىن ەسەلەي ءتۇستى

بۇگىن وڭتۇستىك كورەيانىڭ ينچحون قالاسىندا 17- ازيا پاراويىندارىنىڭ جابىلۋى وتەدى. ەلىمىزدىڭ پاراليمپياداشىلار قۇراماسى مۇشەلەرىنىڭ ءبىرى، تىرەك-قيمىل اپپاراتى بۇزىلعان ادامدار ساناتىنا جاتاتىن استانالىق سپورتشى ميحايل ەرەمەنكونىڭ حابارلاۋىنشا، ءتورت كۇننىڭ قورىتىندىسى بويىنشا وتاندىق كوماندا ونىنشى ورىنعا تۇراقتاعان.

مۇمكىندىگى شەكتەۋلى سپورتشىلار 6 التىن، 6 كۇمىس جانە 8 قول مەدالعا قول جەتكىزدى.

بۇل گۋانجوۋدا وتكەن ازيا ويىندارىنداعى جۇلدەلەردىڭ جالپى سانىنا قاراعاندا ءۇش ەسەگە ارتىق.

بيىلعى جارىس قازاقستاندىق جۇزۋشىلەر ءۇشىن تابىستى بولدى. وكىنىشكە واري، سپورتشىلار قالعان سەگىز سپورت تۇرىنەن (ساداق اتۋ، اتلەتيكا، دزيۋدو، پاۋەرليفتينگ، وق اتۋ، ۇستەل تەننيسى، وتىرىپ ۆولەيبول ويناۋ، اربامەن بيلەۋ) وزدەرىنىڭ باسەكەلەستەرىنەن وزا المادى.

قازاقستاننىڭ قۇراما كومانداسىنىڭ ساپىندا 84 مۇمكىندىگى شەكتەۋلى سپورتشى، ونىڭ ىشىندە 11 استانالىقتار، ازيا پاراويىندارىنا اتتاندى. سونىڭ ىشىندە تىرەك-قيمىل اپپاراتى بۇزىلعان پاراليمپياداشىلار، كوزى ناشار كورەتىندەر مەن زاعيپ جاندار بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى