الماتىدا رەيحستاگقا تۋ تىككەن راقىمجان قوشقاربايەۆتى ەسكە الۋ كەشى ءوتتى

حالىق قاھارمانىنىڭ جاقىندارى، تۋىستارى مەن زيالى قاۋىم وكىلدەرى باتىر تۋرالى ەستەلىكتەرىمەن ءبولىسىپ، كونەنىڭ كوزىنەن سىر شەرتەتىن فوتوسۋرەتتەرىن كورسەتتى.

ەسكە الۋ كەشىنىڭ وسى قوناق ۇيدە وتكەنى دە تەگىن ەمەس. سۇراپىل سوعىس جىلدارىن ارتقا تاستاعان سوڭ باتىر 1967 - جىلدان باستاپ «الماتى» قوناق ءۇيىنىڭ ديرەكتورى قىزمەتىن اتقارعان.

باتىردىڭ قىزى ءاليا قوشقاربايەۆا اكەسىنىڭ ادامي قاسيەتتەرىن ءسوز ەتسە، مايدانداس دوسى جانشا جاناسوۆ سوعىس كەزىندەگى ەرلىگىن ايتىپ بەردى.

راقىمجان قوشقاربايەۆ 1924 - جىلى استاناعا جاقىن ورنالاسقان تايتوبە اۋىلىنىڭ ماڭىنداعى قىستاقتا دۇنيەگە كەلگەن. 1942 - جىلى اسكەر قاتارىنا الىنىپ، سوعىستان كەيىنگى جىلدارى ازات ەتىلگەن اۋماقتاعى اسكەرلەردىڭ قۇرامىندا قىزمەت ەتكەن.

لەيتەنانت قوشقاربايەۆ قازاق تاريحىندا رەيحستاگقا ءبىرىنشى بولىپ تۋ تىككەن باتىر رەتىندە ەستە قالدى. ەكىنشى دۇنيەجۇزىلىك سوعىس كەزىندە بەرلين وپەراتسياسى كەزىندە اسقان ەرلىك كورسەتتى. سول كەزدە مىڭداعان سولداتتىڭ اراسىنان سۋىرىلىپ شىعىپ، 30 - ساۋىردە جاۋىنگەر گريگوري بۋلاتوۆ ەكەۋى كەڭەس اسكەرلەرى اراسىنان بوراعان وقتىڭ استىنان رەيحستاگقا الدىمەن جەتىپ، جەڭىس تۋىن تىكتى.

كەڭەس وداعى كەزىندە رەيحستاگقا تۋ تىككەندەردىڭ قاتارىندا ونىڭ اتى اتالمايتىن. الايدا، كەيىن بىرنەشە جاڭا تىڭ دەرەكتەردىڭ تابىلۋىمەن رەسەيدىڭ اسكەري تاريح ينستيتۋتى راقىمجان قوشقاربايەۆتىڭ ەرلىگىن مويىنداپ، تاريحي ادىلدىك ورنادى.

ەسىل ەردىڭ ەرلىگى ءوزى ولگەننەن كەيىن مويىندالدى. ءتىپتى «حالىق قاھارمانى» اتاعى دا 2001 - جىلى بەرىلگەن بولاتىن. ال، راقىمجان قوشقاربايەۆ 1988 - جىلى دۇنيەدەن وتكەن ەدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى