تۇستەر تۋرالى ءسىز بىلمەگەن قىزىقتى دەرەكتەر
دەسە دە، تۇستەردىڭ ءبىز بىلمەيتىن تىلسىم سىرلارى دا بار ەكەن. مىسالعا، تىكۇشاقتىڭ «قارا جاشىگىنىڭ» ءتۇسى شىنىمەن دە قارا ما، بيلياردتىڭ ءتۇسى نەگە جاسىل، كورريدا ويىنىندا بۇقا قىزىل تۇسكە بولا جۇگىرە مە، الدە؟ وسى سياقتى ءبىرقاتار قىزىقتى سۇراقتارعا جاۋاپ ىزدەگەن بولاتىنبىز. ناتيجەسىن بىرگە كورەيىك.
1. كورريدودا بۇقا ماتادوردىڭ «مۋلەتا» دەپ اتالاتىن قىزىل كۇرتەسىنىڭ تۇسىنە بولا ونى قۋالايدى. الدىڭعى جازبالارىمىزدا بۇقانىڭ ءتۇس تانىمايتىنىندىعى تۋرالى ايتقان بولاتىنبىز. مىنە، سونى تاعى دا دالەلدەپ وتىرمىز. ءتۇس تانىمايتىن بۇقا قىزىل تۇسكە ەمەس، تورەرونىڭ مۋلەتانى اينالدىرعانداعى قوزعالىسىنا «اشۋلانادى» ەكەن. قىزىل ءتۇستى ماتادوردىڭ دەنەسىندە جاراقات پايدا بولعان جاعدايدا قاننىڭ ءتۇسىن بىلدىرمەس ءۇشىن پايدالانادى ەكەن.
2. العاشىندا، بيليارد تا گولفكە ۇقساس اشىق اسپان استىندا، جاسىل ءشوپ ۇستىندە تاياق جانە شارلارمەن وينالعان. بۇگىنگى كۇنگى پىشىنىنە ءبىرشاما ۋاقىتتى ەنشىلەگەننەن كەيىن جەتىپ وتىرعان جايى بار. بيليارد سۋكنوسىنىڭ ءتۇسى جاسىل بولۋىنىڭ نەگىزگى سەبەبى وسىندا دەسەدى.
3. تىكۇشاقتىڭ «قارا جاشىگى» ونىڭ بارلىق قۇرىلىمىنداعى تەحنيكالىق قالىبى تۋرالى اقپاراتتى، سونىمەن قاتار، ەكيپاجدىڭ سويلەسۋلەرىن جازادى. قارا جاشىك دەگەندە، كوز الدىمىزعا قارا ءتۇستى ءتورتبۇرىش قالىپتىڭ كەلەتىنى ءسوزسىز. ال، شىندىعىندا، ونىڭ فورماسى شار ءتارىزدى (نەمەسە سيليندر ءپىشىندى)، ال ءتۇسى قارا ەمەس، اپات جاعدايىندا تابۋعا وڭاي بولۋ ءۇشىن سارعىش نەمەسە قىزىل ءتۇستى بولادى ەكەن.
4. كوپشىلىگىمىز زەبرانى ءبۇيىرى اق بولعان سوڭ، قارا جولاقتى اق ات دەپ ويلايمىز. ءبىراق، ەمبريوندىق ساتى بويىنشا زەرتتەۋ جۇمىسىنىڭ ناتيجەسىندە، جانۋاردىڭ نەگىزگى ءتۇسى قارا ەكەنى دالەلدەنگەن. سوندىقتان، اق جولاقتى قارا ات دەگەنىمىز دۇرىستاۋ.
5. BMW كومپانياسىنىڭ لوگوتيپى «اتا-اناسى» Rapp Motorenwerke كومپانياسىنان قالعان. ونىڭ تاڭبالىق بەينەسىندەگى اق جانە كوك ءتۇستىڭ وزىندىك ماعىناسى بار. اق جانە كوك تۇستەر ءوندىرىس مەكەنى بولىپ تابىلاتىن باۆاريا مەملەكەتىنىڭ سيمۆولدىق تۇستەرى ەكەن. بۇل ەكى ءتۇستىڭ ۇيلەسىم تابۋى اشىق اسپان ءتۇسىن بىلدىرەدى. العاشىندا، BMW كومپانياسى تىكۇشاق قوزعالتقىشتارىن وندىرەتىن بولىپتى، ون جىلدان كەيىن كولىك جاسايتىن بولعان.
