تۇركىتىلدەس ەلدەردىڭ ورتاق تەلەارناسىن قۇرۋ بويىنشا العاشقى وتىرىسى ءوتتى
جيىنعا قازاقستان، ءازىربايجان مەن تۇركيانىڭ مەديا سالاسىنىڭ مەنەدجەرلەرى قاتىسىپ، بولاشاق ارنانىڭ تۇجىرىمداماسىن تالقىلادى.
قازاقستاندىق ساراپشىلاردىڭ پىكىرىنشە، ورتاق تەلەارنا اقپاراتتىق- تانىمدىق باعىتتا حابار تاراتۋى ءتيىس. سونداي- اق ءتۇبى ءبىر تۇركى جۇرتىنىڭ تاريحى مەن ۇلى مادەنيەتىن، سالت- ءداستۇرىن الەمگە ناسيحاتتايتىن باستى ارناعا اينالۋى كەرەك.
تۇركى دۇنيەسىنە ورتاق تەلەارنا اشۋدى بيىل ەلباسى بودرۋمدا وتكەن تۇركىتىلدەس مەملەكەتتەر ىنتىماقتاستىعى كەڭەسىنىڭ سامميتىندە كوتەرگەن بولاتىن. پرەزيدەنتتىڭ ۇسىنىسىنا وراي، تۇركى كەڭەسىنىڭ حاتشىلىعى ارنايى جۇمىس توبىن قۇرىپ، ورتاق ارنانىڭ قۇقىقتىق- نورماتيۆتىك بازاسىن ازىرلەۋگە كىرىستى. كەلەسى جىلى استانادا وتەتىن سامميتتە مەملەكەت باسشىلارى تۇركى الەمىنە ورتاق تەلەارنانى اشۋ بويىنشا كەلىسىمگە قول قويادى دەپ جوسپارلانۋدا.
www.24.kz
