قازاقستاندىق وليمپيادا شەمپيونى وزىنە سىيعا بەرىلگەن كولىكتى سپورت كەشەنىنە تارتۋ ەتتى

جەڭىسكەرلەرگە اكىم گراموتالار مەن اقشالاي سىيلىق تابىس ەتتى. سالتاناتتى شارا وسكەمەندەگى جەڭىل اتلەتيكالىق كەشەندە ءوتتى.

العىس حاتتار مەن اقشالاي سىيلىقتاردى 17- ازيادا ويىندارىندا ەل نامىسىن قورعاپ، جۇلدەلى ورىندارعا يە بولعان 8 سپورتشى الدى. ماراپاتتالعان حالىقارالىق سپورت شەبەرلەرى: راسۋل قاليەۆ، داستان ىقىبايەۆ، پولينا ميحايلوۆا، دميتري گريازنوۆ، زەرە بەكتاس قىزى جانە الينا بەلان بولعانىن ايتا كەتەيىك.

سونىمەن قاتار، سپورتشىلاردىڭ باپكەرلەرىنە دە اقشالاي سىيلىقتار مەن العىس حاتتار تابىس ەتىلدى.

قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، وليمپيادا جانە ازيا ويىندارىنىڭ جەڭىسكەرى ولگا رىپاكوۆاعا «Shkoda Rapid» اۆتوكولىگىنىڭ كىلتى تابىس ەتىلدى. ول سول جەردە وزىنە بەرىلگەن سىيلىقتى جەڭىل اتلەتيكالىق سپورت كەشەنى ديرەكتورى دەنيس رىپاكوۆقا تارتۋ ەتتى.

وبلىس اكىمى جەڭىمپازداردى قۇتتىقتاي وتىرىپ، وسى ۋاقىتقا دەيىن ولكەدە سالىنعان سپورت كەشەندەرى مەن بولاشاقتا سالىنار سپورت نىساندارى تۋرالى ايتتى. ەلباسىنىڭ تاپسىرماسى بويىنشا، حالىقتىڭ 30 پايىزى سپورتپەن شۇعىلدانۋى ءۇشىن اتقارىلىپ جاتقان يگى جۇمىستار ەلگە سپورتپەن شۇعىلدانۋعا مۇمكىندىك تۋعىزۋى كەرەك.

ونىڭ ايتۋىنشا، ش ق و بۇل تاپسىرمانى ورىنداۋعا وتە جاقىن، قازىر ولكە تۇرعىندارىنىڭ 26 پايىزى سپورتپەن اينالىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى