فۋتبولدان الەم چەمپيوناتى كاتاردا قاراشا نەمەسە جەلتوقسان ايلارىنىڭ بىرىندە وتەدى

ونىڭ ايتۋىنشا، جازعى ۋاقىتتا قاتتى ىستىق قاتىسۋشىلارعا جايسىزدىق تۋدىرۋى مۇمكىن.

«كاتاردا جازعى ۋاقىتتا ويىن وتكىزۋ مۇمكىن ەمەس.   جىل اياعى، قاراشا- جەلتوقسان ايلارى ىڭعايلى بولادى» ، - دەدى بلاتتەر.

ەسكە سالساق، بۇدان بۇرىن ءا چ قاڭتارعا نەمەسە اقپانعا اۋىستىرىلادى دەپ بولجانعان.

ءا چ-2022- ءنى قىسقى مەزگىلگە اۋىستىرۋعا ەۋروپا چەمپيوناتىنىڭ وكىلدەرى، اتاپ  ايتقاندا اعىلشىن پرەمەر- ليگاسى قارسى شىقتى. كەيبىر ەۋروپالىق شەنەۋنىكتەر الەم چەمپيوناتى سالدارىنان ۇلتتىق بىرىنشىلىك ءبىر ايدان استام ۋاقىتقا كەشىكتىرىلەتىنىنە كەلىسپەدى.

تۋرنير وتكىزەتىن ەلدى تاڭداعان ۋاقىتتا كاتارلىق وكىلدەر ەڭ زاماناۋي ستاديون سالىپ قانا قويماي، قۋاتتى سالقىنداتاتىن قوندىرعى ورناتامىز دەپ ۋادە بەرگەن. سايلاۋدان كەيىن- اق ونىڭ مۇمكىن ەمەستىگى ايتىلىپ، بۇل شەشىم سىنعا ءتۇستى.

اپتاپ ىستىقتان بولەك، كاتاردا الەم چەمپيوناتىن ۇيىمداستىرۋشىلار باسقا دا پروبلەمالارمەن بەتپە- بەت كەلگەن. ماسەلەن، ولار ستاديون سالۋ كەزىندە ميگرانتتاردى زاڭسىز جۇمىسقا تارتقاندىعى، نىسانداردا قازا تاپقاندار مەن زارداپ شەككەندەردىڭ كوپتىگى ءۇشىن ايىپتالىپ وتىر.

بۇدان باسقا، كاتارلىق ءوتىنىم سىبايلاس جەمقورلىق جانە ف ي ف ا اتقارۋشى كوميتەتى مۇشەلەرىن پاراعا جىعۋ تۇرعىسىنان تەرگەلۋدە. الايدا حالىقارالىق فۋتبول فەدەراتسياسى  بۇل تەرگەۋدىڭ ناتيجەسى قۇپيا كۇيىندە قالاتىنىن مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى