قازاقستاندى گازداندىرۋدىڭ باس سىزباسى ۇكىمەتتە تانىستىرىلدى

بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ەنەرگەتيكا ءبىرىنشى ۆيسە- ءمينيسترى ۇزاقباي قارابالين ءمالىم ەتتى.

«بۇل - گازبەن جابدىقتاۋدىڭ ەكونوميكالىق نەگىزدەلگەن ستراتەگيالىق باعىتىن ايقىندايتىن باعدارلامالىق قۇجات. سىزبا قازاقستان رەسپۋبليكاسى ايماقتارىن ۇيىمداستىرۋدىڭ باس سىزباسىمەن بايلانىستىرىلا وتىرىپ ازىرلەندى جانە ونىڭ قۇرامداس بولىگى سانالادى» ، - دەدى ۇ. قارابالين.

ونىڭ اتاپ وتۋىنشە، قازىرگى ۋاقىتتا ەلىمىزدىڭ 16 ءوڭىرىنىڭ 10 ى گازداندىرىلعان. ونىڭ ىشىندە رەسپۋبليكانىڭ بارلىق باتىس جانە وڭتۇستىك وبلىستارى مەن الماتى قالاسى بار.

«گازداندىرۋ دەڭگەيى الماتى وبلىسىندا  19 پايىزدان ماڭعىستاۋ وبلىسىندا 99 پايىزعا دەيىن اۋىتقىپ تۇر»، - دەدى ءبىرىنشى ۆيتسە- ءمينيسترى.

ونىڭ سوزىنە قاراعاندا، بۇگىن ۇكىمەتتە تانىستىرىلعان قازاقستاندى گازداندىرۋدىڭ باس جوسپارىن ازىرلەۋ بارىسىندا پەسسيميستىك، بازالىق جانە وپتيميستىك ستسەناريلەر قاراستىرىلعان. ەكسپەرتتىك باعالاۋدىڭ ناتيجەسىندە ودان ارى بەكىتۋگە بازالىق ستسەناري ۇسىنىلعان. اتالعان ستسەناريگە سايكەس، بۇعان دەيىن گازداندىرىلعان وڭىرلەرگە جۇرگىزىلگەن شارالار ەلدى مەكەندەردى گازداندىرۋ بارىسىندا قولدانىلاتىن بولادى.

«2030 - جىلعا قاراي گاز تۇتىنۋ كولەمى قازىرگى 11 ميلليارد تەكشە مەتردەن 18 ميلليارد تەكشە مەترگە دەيىن ارتاتىن بولادى. مۇنداي جوبانى جۇزەگە اسىرۋعا قاجەتتى سومانىڭ كولەمى 656 ميلليارد تەڭگەنى قۇرايدى» ، -   دەدى ۇ. قارابالين.

سونداي- اق، ءبىرىنشى ۆيتسە- ءمينيستردىڭ سوزىنە قاراعاندا، گازداندىرۋدىڭ باس سىزباسىن جۇزەگە اسىرۋدىڭ نيجەسىندە كوگىلدىر وتىنعان قول جەتكىزگەن ەلدى مەكەندەردىڭ سانىن 988-دەن 1621-گە ارتادى. ابونەنتتەر سانى 1,4 ميلليوننان 2,9 ميلليونعا دەيىن كوبەيەدى. جاڭا گاز قۇبىرلارى سالىنىپ، ولاردىڭ جالپى ۇزاقتىعى 28,5 مىڭ شاقىرىمنان 57,5 مىڭ شاقىرىمعا دەيىن جەتەدى. ەلىمىزدىڭ 13 وبلىسىنىڭ تۇرعىندارى كوگىلدىر وتىن قىزىعىن كورەدى.

اۆتور:   مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى