فرانسيانىڭ «توتال» پرەزيدەنتىنىڭ قازاسى كونسەرننىڭ قاشاعانعا قارىم- قاتىناسىن وزگەرتپەيدى - ۇ. قارابالين

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ەنەرگەتيكا ءبىرىنشى ۆيسە- ءمينيسترى ۇزاقباي قارابالين ءمالىم ەتتى.

«قاشاعان جوباسىندا Total كونسەرنى دە جۇمىس ىستەۋدە. بۇل - جوعارى دەڭگەيدە ۇيىمداستىرىلعان الەمدىك دەڭگەيدەگى كومپانيا. مەنىڭشە، بۇل كومپانيانىڭ مەنەدجمەنتىندە «تۋدى كوتەرىپ» ، ودان ارى جىلجۋعا قابىلەتتى ادامدار بار. Total-دىڭ باستى جەلىسى وسىناۋ قايعىلى جايتقا بايلانىستى قاشاعان جوباسىنا قاتىستى قارىم- قاتىناسىن وزگەرتپەيدى دەپ ويلايمىن»، - دەدى ول.

ەستەرىڭىزگە سالا كەتەيىك، فرانسيانىڭ Total ەنەرگەتيكالىق كومپانياسىنىڭ پرەزيدەنتى كريستوف دە مارجەري ماسكەۋدەگى «ۆنۋكوۆو» اۋەجايىندا اپاتقا ۇشىراعان Falcon-50 ۇشاعىندا قازا تاپتى. «Falcon» جەكە ۇشاعى قار جيناۋشى كولىككە سوعىلعان ەدى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى