عالىمدار تۋتانحامون پەرعاۋىننىڭ كەلبەتىن جاساپ شىعاردى

بۇل تۋرالى Daily Mail حابارلادى.

 عالىمدار مۋميانىڭ اناتوميالىق ەرەكشەلىكتەرىن تالداۋ نەگىزىندە كومپيۋتەرلىك مودەلدەۋدىڭ كومەگىمەن تۋتانحاموننىڭ قىز بوكسەلى، شىعىڭقى ءتىستى بولعانىن انىقتادى.

عالىمدار كومپيۋتەرلىك سكانەرلەۋ بويىنشا 2000 نان استام وپەراتسيا جۇرگىزدى. ولاردىڭ پىكىرىنشە، 19 جاسىندا ومىردەن وتكەن تۋتانحامون اسا كورىكتى بولماعان. تومەنگى جاعى شىعىڭقى بولعاندىقتان، ول دۇرىس تىستەي الماعان. ونىڭ سول اياعىنىڭ جىلىنشىگى مەن تابان تۇسى قيسىق بولىپتى. سول سەبەپتى عالىمدار پەرعاۋىن مايماق اياقتانىپ ءارى تاياققا سۇيەنىپ جۇرگەن دەپ شامالايدى.

زەرتتەۋشىلەردىڭ توپشىلاۋىنشا، اتا- اناسىنىڭ تۋىسقاندىق جاقىندىعى بولعاندىقتان تۋتانحامون گەنەتيكالىق اۋرۋلارمەن دە اۋىرعان. عالىمداردىڭ گەنەتيكالىق تالداۋىنا قاراعاندا، ونىڭ اكە- شەشەسى اعالى- قارىنداس بولعان.

ەسكە سالا كەتەيىك، تۋتانحاموننىڭ نەدەن قايتىس بولعانى ءالى كۇنگە دەيىن جۇمباق. بۇل جونىندە بىرنەشە جورامال بار. سونىڭ ءبىرى بويىنشا، ول كۇيمەدەن قۇلاعان كەزدە العان جاراقاتىنان قايتىس بولعان. ەندى بۇل بولجام تەرىسكە شىعىپ وتىر، سەبەبى اياعى قيسىق بولعاننان كەيىن ونىڭ كۇيمە جارىستارىنا قاتىسۋى ەكىتالاي. عالىمدار ول گەنەتيكالىق اۋرۋدىڭ سالدارىنان قايتىس بولۋى مۇمكىن دەگەن جاڭا جورامال ۇسىنىپ وتىر.

 تۋتانحاموننىڭ سۇيەگىن 1922 - جىلى اعىلشىن عالىمدارى ونىڭ قابىرىنەن تاپتى. قابىردىڭ تابىلۋى 20 - عاسىرداعى ەڭ ءىرى ارحەولوگيالىق جاڭالىقتاردىڭ ءبىرى بولدى.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى