قازاقستاندىق ۇشقىش عارىشكەرلەردى دايارلاۋ ورتالىعى باسقارماسىنىڭ باستىعى بولىپ تاعايىندالدى
ورتالىقتىڭ باسپا ءسوز قىزمەتىنىڭ اقپاراتى بويىنشا، نۇسقاۋشى- عارىشكەر- زەرتتەۋشى رەتىندە 1- باسقارما باسشىسىنىڭ مىندەتىنە عارىشكەرلەردى دايىنداۋ، باسقارىلاتىن عارىش اپپاراتتارىنىڭ ۇشۋ-عارىشتىق سىناقتارىن جۇرگىزۋ، عارىشتاعى عىلىمي زەرتتەۋلەر مەن قولدانبالى جۇمىستاردى جۇرگىزۋ، سونىمەن بىرگە عارىشقا ۇشۋ قاۋىپسىزدىگىنە باعا بەرۋ كىرەدى.
ەسكە سالا كەتەيىك، يۋري مالەنچەنكو عارىشقا بەس رەت ۇشتى، ونىڭ جالپى ۇزاقتىعى 638 تاۋلىكتى قۇرايدى. 1994-جىلى جارتىجىلدىق ۇشۋ كەزىندە كورسەتكەن ەرلىگى پەن باتىلدىعى ءۇشىن ەكيپاج كومانديرى يۋري مالەنچەنكو مەن بورت ينجەنەرى تالعات مۇسابايەۆ بىردەن رەسەي مەن قازاقستاننىڭ جوعارى ماراپاتتارىنا - قازاقستان رەسپۋبليكاسىنىڭ حالىق قاھارمانى جانە رەسەي باتىرى اتاعىنا يە بولدى. ولارعا رەسەي فەدەراتسياسىنىڭ ۇشقىش- عارىشكەرى جانە قازاقستان رەسپۋبليكاسىنىڭ ۇشقىش- عارىشكەرى دارەجەلەرى بەرىلدى.
