ەركەكتەر ءۇشىن، ەسكەرە جۇرىڭىزدەر
1. «بەس مينۋت جانىم...»
«بەس مينۋت جانىم...» دەگەندى ەكى ءتۇرلى قابىلداۋىڭىز مۇمكىن. ەگەر ءبىر جەرگە باراتىن بولساڭىزدار، ايەلىڭىز ساندەنۋگە بەس مينۋت سۇرايدى. الايدا بۇل بەس مينۋت جارتى ساعاتسىز بىتپەيتىنىن ءبىلىڭىز، ودان كوپ بولماسا... ەكىنشى، ءسىز فۋتبول كورىپ وتىرعاندا، ايەلىڭىز بەس مينۋتتان كەيىن تەلەحيكاياسى باستالاتىنىن ايتسا، ول بەس مينۋتتان ءبىر سەكۋند اسىرمايدى.
2. «جاقسى ەكەن»
ادەتتە، ءسوز تالاستىڭ تەز بىتكەنىن قالاساڭىز، تاپ وسى ءسوز سىزگە كومەككە كەلەدى. ايەلىڭىزگە «جاقسى ەكەن» دەمەسەڭىز، سىزدىكى دۇرىس بولسا دا ءوز دەگەنىنەن شەگىنە قويمايدى.
3.«ەشتەڭە بولعان جوق»
ءدال وسى ءسوز ءبىر نارسەنىڭ بولايىن دەپ تۇرعانىنان حابار بەرۋى مۇمكىن. رەنىشىن اشىق ءبىلدىرۋى ءۇشىن ءسىز كوڭىل-كۇيىڭىز بولماسا دا سەرگەكتىك تانىتىڭىز. ءبىراق، كوپ سۇراقتىڭ استىنا الا بەرمەڭىز. جانجال تۋدىرىپ الۋىڭىز عاجاپ ەمەس. ايتپەسە، «جاقسى ەكەن» دەگەن ءسوزىڭىزدىڭ دە كومەگى بولماي قالادى.
4. «ءبارى جاقسى»
بۇل دا ايەلدەردىڭ سوزدىك قورىنداعى ەڭ قاۋىپتى سوزدەردىڭ ءبىرى. ەگەر اشۋلى داۋىسپەن ايتسا، بۇل ايەلىڭىزدىڭ ءبىر جانجال تۋدىرۋ الدىنداعى دەمالىسى دەسە دە بولادى. وسى ۋاقىتتا ەشتەڭە بولماعانداي كەيىپ تانىتىپ، جاقسى سويلەسەڭىز ءبارى رەتتەلەدى.
5. «ۋايىمداماڭىز، ءوزىم...»
ەگەر ايەلىڭىز جۇمىس ىستەپ جاتقاندا كومەك بەرۋىڭىزدى سۇراسا، ءسىز تەلەديدارعا تاڭىلىپ وتىرا بەرسەڭىز، نارازىلىق وسىدان باستالادى. ايەلىڭىزدىڭ «ءوزىم رەتتەيمىن» دەگەن سوزىنە سەنە بەرمەڭىز. قانشا قارسىلىق تانىتسا دا، ءسىزدىڭ كومەگىڭىزدى قاجەتسىنەدى.
6. «تۇسىنىكتى»
كەيبىر ايەل زاتى ءسىزدىڭ ايتقان ءسوزىڭىزدى مۇلدەم تۇسىنبەگەنىن ءبىلدىرۋ ءۇشىن ادەيى «تۇسىنىكتى» دەيدى. ءبىراق، بۇل سۇحباتتى قايتا باستاۋ شارت دەگەن ەمەس. ءبىر-ەكى ساعاتتان كەيىن قايتا سويلەسسەڭىز بولادى.
massaget.kz
