سوققان گولى اجال قۇشتىردى - كەسكىن

ميزورام شتاتى كومانداسىنىڭ نامىسىن قورعايتىن پيتەر بياكسانگزۋال ەسىمدى فۋتبولشى تارازى باسىن تەڭەستىرگەن گولدى سوققاننان كەيىن، سالتو اينالامىن دەپ ءساتسىز قۇلاعان. ناتيجەسىندە جۇلىنى ءۇزىلىپ، كەشكىسىن اۋرۋحانادا كوز جۇمعان. 23 جاستاعى فۋتبولشىنىڭ مەزگىلسىز دۇنيەدەن وزۋى كوماندالاستارى مەن جانكۇيەرلەردى ءبىر ەسەڭگىرەتىپ تاستادى. ال كلۋبتىڭ باسپا ءسوز حاتشىسى، پيتەردىڭ ارمانى ۇلتتىق ليگادا ونەر كورسەتۋ ەدى دەپ وكىنىش ءبىلدىردى.

قارسىلاس قاقپاسىنا گول سوققاننان كەيىن، قۋانىشى قوينىنا سىيماعان كەي فۋتبولشىلار ءار ءتۇرلى مانەردە تويلاۋ ءراسىمىن وتكىزەدى. كەي فۋتبولشىلاردىڭ اكروباتيكالىق ادىستەر ارقىلى شەبەرلىكتەرىن تانىتۋى جانكۇيەرلەر الدىندا توسىن سىي سەكىلدى دە كورىنەدى. ءبىراق، ويىنشىنىڭ سوققان گولدارىن ەرەكشە تويلاۋ ساتتەرىندە جاراقات الىپ، نەمەسە كەلەڭسىز جاعدايلارعا تاپ بولعان كەزدەرى كوپتەپ كەزدەسەدى. بۇل فۋتبول تاريحىنداعى ءبىر جاعداي عانا ەمەس.

ويىن قورىتىندىسىندا پيتەر بياكسانگزۋال ونەر كورسەتەتىن كلۋب قارسىلاستارىنان 2:3 ەسەبىمەن ۇتىلىپ قالعان.

سونىمەن قاتار، بۇگىن انگليانىڭ «كەدلي» فۋتبول كلۋبىنىڭ 15 جاستاعى فۋتبولشى ارۋى دا كوز جۇمدى. ول ءبىرىنشى تايمنان كەيىن ءوزىن جايسىز سەزىنىپ، الاڭدا قۇلاپ، كوز جۇمعان. دارىگەرلەر قىزدىڭ جۇرەگى سىر بەرگەنىن مالىمدەدى. قاي سپورت ءتۇرى بولسا دا، وزىندىك قاۋىپتى تۇستارى بار. دەنساۋلىقتىڭ - باستى بايلىق ەكەنىن ەستەن شىعارماي، ساقتىقتا قورلىق بولمايتىنىن ۇمىتپاعانىمىز ءجون بولار...

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى