پارا ازيا ويىندارىندا قازاقستان قورجىنىنا العاشقى التىن ءتۇستى

قازاقستاندىق سۋدا ءجۇزۋشى ءانۋار احمەتوۆ 100 مەتر قاشىقتىقتىقتى شالقالاي ءجۇزۋ ادىسىندە رەكورد ورناتىپ، التىننان القا تاقتى. وسىعان دەيىن ول بۇل قاشىقتىقتى ەركىن ءجۇزۋ ادىسىندە ەكىنشى بولىپ باعىندىرعان بولاتىن. «S12» دەپ اتالاتىن كوزى وتە ناشار كورەتىن سپورتشىلار اراسىندا سىنعا ءتۇسىپ جاتقان وتانداسىمىز كەشە 50 مەترگە جانە 400 مەترگە ەركىن ءجۇزۋ ادىستەرىندە دە كۇمىسپەن كۇپتەلگەن ەدى.

قورجىنىمىزداعى ءتورتىنشى كۇمىستى مۇگەدەكتەر ارباسىندا وتىرىپ بي ونەرىمەن تامساندىرعان ارداق وتاربايەۆ پەن ايدانا بەگلەنوۆا يەلەندى. ولار الدارىنا وڭتۇستىك كورەيالىق جۇپتى عانا شىعارىپ الدى.

ءتورت قولا جۇلدەنىڭ ەكەۋى جۇزگىش دميتري ليگە تيەسىلى بولسا، مانسۇربەك يبراشيەۆ تە 100 مەترگە ەركىن ءجۇزۋ ادىسىندە قولا جۇلدەگە قول جەتكىزدى. ال ءبىر قولانى كەشە 50 مەترگە ەركىن ادىسپەن جۇزۋدە ۆيتالي لي ەنشىلەگەن بولاتىن.

ينچحونداعى جارىستىڭ ەكىنشى كۇنگى قورىتىندىسى بويىنشا قازاقستان قۇراماسى 1 التىن 4 كۇمىس 4 قولامەن 14- ورىندا كەلەدى. پارا ازيا ويىندارى 24- قازان كۇنى مارەسىنە جەتەتىن بولادى. ەلىمىزدىڭ نامىسىن 84 سپورتشى قورعاۋدا.
massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى