قاسكۇنەمدەر ەكى تاۋلىك بويى ەر ادامدى شىنجىرمەن بايلاپ، ۇرعان

وبلىستىق سوتتىڭ باسپا ءسوز قىزمەتىندە حابارلانعانداي، كۇدىكتىنىڭ بىرەۋى تۇركىستان اۋداندىق سوتتىڭ سانكسياسىمەن 2 ايعا تۇتقىندالدى. «ايىپتالۋشى ءوز تانىسىمەن الدىن الا ءسوز بايلاسىپ، قۇربانىن كولىكتىڭ ارتقى ورىندىعىنا كۇشتەپ وتىرعىزىپ، ءوز ۇيىنە اكەلگەن»، - دەپ حابارلادى باسپا ءسوز قىزمەتىنەن.

ول جەردە ەر ادامدى كەرەۋەت اياعىنا تەمىر كىسەنمەن بايلاپ تاستاعان. ونى قاسكۇنەمدەر ەكى تاۋلىك بويى اياۋسىز ۇرىپ-سوعىپ، 30 مىڭ دوللار تالاپ ەتكەن.

ابىروي بولعاندا، جابىرلەنۋشى تۋىستارىنا س م س-حابارلاما جىبەرىپ ۇلگەرگەن. حابارلاما العان تۋىسقاندارى پوليتسيا شاقىرادى. ناتيجەسىندە ادام ۇرلاعان قىلمىسكەر قولعا ءتۇستى. وعان قىلمىستىق كودەكستىڭ بىرنەشە باپتارى بويىنشا ايىپ تاعىلىپ وتىر. ال ونىڭ سىبايلاسى ىزدەستىرىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى