تاريح تولقىنىندا جۇزگەن حاتتار
كوبىمىز بۇل جايىندا ويلانىپ كورمەگەنىمىز جاسىرىن ەمەس. حات - وتە باعالى قازىنا. اسىرەسە، ءومىردى وزگەرتىپ، وزەگىنە قۇن- ءنارى مەن قۇنارىن ەنگىزگەن، جادىراتقان تۇستارى كوپ- اق.. . مىزعىماس ماحاببات، جول باعدارى، قۇپيا مالىمەت پەن سارقىلماس سەزىمدەردىڭ سيمۆولىنا اينالعان بوتەلكەگە تىعىندالعان حاتتاردىڭ تاريح تولقىنىندا قالايشا جۇزگەنىنە كوڭىل ءبولىڭىز.
1. بۇل بوتەلكەدەگى حات كانادادان حورۆاتياعا دەيىن جيىرما سەگىز جىل ءجۇزىپ كەلگەن
بوتەلكەنى وڭتۇستىك حورۆاتيانىڭ دۋبروۆنيك جاعالاۋىندا جۇرگەن سەرفينگشىلەر تاۋىپ العان. «Spilt» جانە «Komin» سەرفينگ كلۋبىنىڭ مۇشەلەرى جاعاجايدى جاڭا ماۋسىمعا دايىنداۋ بارىسىندا تازالىق جۇمىستارىن جۇرگىزىپ ءجۇرىپ، شاعىلعان شولمەكتەردى كەزىكتىرەدى. جاس ماتەو مەداك- رەزيتس ءبىر بوتەلكەدەگى جازۋلى قاعازدى كورەدى. حاتتا «مەري، سەن، شىنىمەن، كەرەمەت جانسىڭ. ءبىز حات جازىسىپ تۇرامىز دەگەن ۇمىتتەمىن. مەن ساعان جازاتىنىمدى ايتقان ەدىم عوي. ماڭگىلىك دوسىڭ، دجوناتان. جاڭا شوتلانديا، 85» دەپ جازىلعان. حات اتلانت مۇحيتىمەن، گيبرالتار بۇعازىنىڭ اعىسىمەن، ادريات تەڭىزى دالمات جاعالاۋىنا قۇيماس بۇرىن جەرورتا تەڭىزى ارقىلى ءجۇزىپ كەلگەن. تۋرا قاشىقتىقپەن ەسەپتەگەندە «ەرەكشە ساياحات» 4000 ميلدى (شامامەن، 6,5 مىڭ كم. ) قۇراعان.
2. وتىز جىلدان سوڭ Facebook پاراقشاسىندا جاۋابىن العان بوتەلكەدەگى حات
وليۆەر ۆاندۆالل 30 جىل بۇرىن جازعان حاتىنا الەۋمەتتىك جەلىدەن Facebook قولدانۋشىسى ارقىلى جاۋاپ الادى. وڭتۇستىك انگليا جاعالاۋى ماڭىنداعى وتباسىمەن تەڭىز ساياحاتى كەزىندە 14 جاسار ۆاندۆالل ءوز قويىن داپتەرىنىڭ پاراعىن شاراپ بوتەلكەسىنە سالىپ، سۋعا جىبەرگەن. 33 جىل وتكەن سوڭ لورەين يەتس بوتەلكەنى دورسەتتتەگى ساناگي جاعاسىنان تاۋىپ العان. كورسەتىلگەن مەكەنجايعا حات جازۋدىڭ ورنىنا يەتس Facebook پاراقشاسىنان تاۋىپ الىپ، سويلەسەدى. 47 جاسار ۆاندۆالل «بۇل بۇرىندا بولعان وقيعا بولعانى سونشالىق - «بۇل مەنىڭ حاتىم ەمەس» دەگىم كەلدى، ءبىراق ەسىمە كەيىن ءتۇستى» دەپ مويىنداعان. حاتتا ول ءوزىن بىلاي سۋرەتتەگەن: «مەن - 14 جاسار بالامىن، مەنىڭ ءۇيىم بەلگيادا. مەن سەنىڭ كىم ەكەنىڭدى بىلمەيمىن. مەن 18 مەترلىك كەمەدەمىن. كەمەنىڭ اتى «Tamaris» . مەن بۇل حاتتى جازىپ وتىرمىن، ءبىز وڭتۇستىك انگليانىڭ جاعاسىنداعى پورتلەند مۇيىسىنەن استىق. ءبىز وسى تاڭدا تەڭىزگە شىقتىق» . ۆاندۆاللدىڭ ەكى بالاسى اكەلەرىنىڭ تاريحىن قايتالاعىلارى كەلگەن، ءبىراق ۆاندۆالل ولاردىڭ ارەكەتتەرىنىڭ جۇزەگە اسۋىنا كۇمانمەن قارايدى. «ولار وزدەرىنىڭ مەكەنجايلارىن جازباي اقىماقتىق جاساعان، سوندىقتان، جاۋاپ الۋعا مۇمكىندىكتەرى جوق» دەيدى اكەلەرى.
3. جولداۋشىنىڭ وتباسىنا 76 جىلدان كەيىن ورالعان بوتەلكە- حات
76 جىل بۇرىن جولدانعان بوتەلكەدەگى حات جاڭا زەلانديادا تابىلعان جانە ونى جازعان حات يەسىنىڭ جانۇياسىنا بەرىلگەن. ونى 2012 - جىلى قاراشا ايىندا دجەف فلۋد تاپقان. حاتتا: «تەڭىزدە. بۇل حاتتى تاپقان ادامنان حاتتا كورسەتىلگەن مەكەنجايعا اپارىپ بەرۋىن سۇرايمىن» دەلىنگەن. حاتتى گەربەرت ەرنەست حيلبريك «1936 - جىل، 17 - ناۋرىز» دەپ كورسەتىپ سۋعا جىبەرگەن. فلۋد مىرزا حات يەسىنىڭ ⅩⅩعاسىردىڭ 40 - جىلدارىندا دۇنيەدەن وتكەنىن بىلگەن، ال اماناتتى حات يەسىنىڭ نەمەرەسى اۆستراليادا تۇراتىن پيتەرگە تابىستاعان ەكەن.
4. تەڭىز قاراقشىلارىنان بوتەلكە- حاتتىڭ كومەگىمەن تۇتقىنىنان قۇتقارىلعان توپ
2011 - جىلى ۇيىمداسقان قىلمىستىق توپ ۇلكەنجۇك كەمەسىن قولدى قىلادى. قولعا تۇسكەن كەمە كومانداسىنا ارنايى جاساقتالعان بريتاندىق قۇتقارۋشىلار توبى كومەككە كەلەدى. تۇتقىنداعى تەڭىزشىلەر بروندالعان اباقتىدا ۇستاعان. ولار قۇتقارۋشىلارعا بوتەلكەمەن حات جولداعان ەكەن. حاتتا ولاردىڭ اماندىعى تۋرا ايتىلىپتى. اينەك قۇتىمەن جىبەرىلگەن حات قۇتقارۋشىلاردىڭ قولىنا تيگەننەن كەيىن، بارلىق ەكيپاج مۇشەسى قۇتقارىلىپ، قاراقشىلار تۇتقىندالعان.
massaget.kz
