بۇگىن «الەم بارىسىندا» ەل نامىسىن قورعايتىن بالۋاندار انىقتالدى

كىل مىقتىلاردىڭ بوز كىلەمدەگى بەلدەسۋلەرى جانكۇيەرلەردىڭ كوڭىلىن ءبىر سەرپىلتىپ تاستارى انىق. وسىعان دەيىن ەلىمىزدىڭ اتىنان سىنعا تۇسەتىن 6 بالۋانىمىز تاڭداپ الىنعان بولاتىن. بۇگىن سولاردىڭ ىشىنەن تورتەۋى ىرىكتەلىپ الىندى. 2012-جىلعى «قازاقستان بارىسى» اتانعان بەيبىت ىستىبايەۆ پەن 2013-جىلى توپ جارعان ايبەك نۇعىماروۆتىڭ جارىسقا بابى كەلىسىپتى. ال ودان كەيىنگى ەكى مۇمكىندىك 2014-جىلعى «قازاقستان بارىسىنىڭ» كۇمىس جانە قولا جۇلدەگەرلەرى اسىل بارمەنوۆ پەن رۋسلان ءابدىرازاقوۆقا بۇيىردى. مۇحيت تۇرسىنوۆ (2014-جىلعى «قازاقستان بارىسى) پەن ۇلان رىسقۇل (2011-جىلعى «قازاقستان بارىسى») تۋرنيرگە قاتىسپايتىن بولدى.

ەستەرىڭىزگە سالا كەتسەك، پاۆلودارداعى ءدۇبىرلى دودا تۋرالى وسىعان دەيىن تولىققاندى اقپارات جاريالاعان بولاتىنبىز. «قازاقستان بارىسى» مەن «ەۋرازيا بارىسى» دودالارىنداعى تىكەلەي كورسەتىلىم سەكىلدى، «الەم بارىسى» الامانىن دا وتاندىق تەلەارنالارمەن قوسا رەسەيلىك «بوەتس» پەن تۇركيانىڭ «ترت-اۆاز» ارنالارى دا ءوز ۋاقىتىندا تاراتاتىن بولادى.

قازىرگى ۋاقىتتا بالۋاندار باسەكەسىنىڭ بيلەتتەرى ساتىلىمعا شىعىپ ۇلگەردى. بيلەتتىڭ قۇنى - 5000, 10000, 15000 تەڭگەنى قۇرايدى. تاعى ءبىر ايتا كەتەتىنى، بيلەتتەر بويىنشا كورەرمەندەر اراسىندا جۇلدە ويناتىلماق. جۇلدەگە «Nissan Almera» اۆتوكولىگى تىگىلىپ وتىر. كورەرمەن بولىپ بارىپ، ءسىزدىڭ دە جەڭىمپاز اتانىپ قايتۋىڭىزعا مۇمكىندىك بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى