سوتتالعاندارعا جاپپاي ەلەكتروندىق بىلەزىك كيگىزەتىن بولادى

بۇگىن ماجىلىستە قىلمىستىق- اتقارۋ جۇيەسىندەگى ماسەلەلەرگە ارنالعان ۇكىمەت ساعاتىندا ق ر ىشكى ىستەر ءمينيسترى قالمۇحانبەت قاسىموۆ ءمالىم ەتتى.

«شەتەلدە «بىلەزىكتەر» تاجىريبەسى الدەقاشان قولدانىلۋدا. بىزدە بۇل العاشقى رەت جاسالايىن دەپ وتىر. وسىنىڭ ءوزى ەلىمىزدەگى جۇيەنى ىزگىلەندىرۋ جانە قازاقستاننىڭ قىلمىستىق- اتقارۋ جۇيەسىن حالىقارالىق ستاندارتتارعا سايكەس كەلتىرۋدە جاسالىپ وتىرعان كەزەكتى قادام» ، - دەدى ق. قاسىموۆ.

بۇدان بولەك، مينيستر 2015 - جىلدان باستاپ جاڭا قىلمىستىق زاڭنامانىڭ كۇشىنە ەنەتىنىن جەتكىزدى. ال جاڭا قىلمىستىق زاڭنامامەن باس بوستاندىعىنان ايىرۋمەن بايلانىستى ەمەس جازالاردى قولدانۋ سالاسى ەلەۋلى تۇردە كەڭەيە تۇسەدى.

«بۇل جەردە باستى ماقسات - جازالاۋ جۇيەسىن ىزگىلەندىرۋ، ياعني بوستاندىقتا ءجۇرىپ تە تۇزەتەتىن ادامداردى تۇرمەلەرگە جابا بەرمەۋ. جالپى، زاڭنامانىڭ بۇل جاڭالىعى قىلمىستىق- اتقارۋ جۇيەسىندەگى پروباتسيالىق قىزمەتتى ودان ءارى دامىتۋ مەن جەتىلدىردى تالاپ ەتەدى» ، - دەدى ق. قاسىموۆ.

 ونىڭ سوزىنە قاراعاندا، 2015 - جىلدان باستاپ پروباتسيالىق باقىلاۋ بەلگىلەنگەن ادامداردىڭ قاتارى شارتتى تۇردە مەرزىمىنەن بۇرىن بوساتىلعاندار، باس بوستاندىعىن شەكتەۋگە سوتتالعاندار جانە اكىمشىلىك باقىلاۋ بەلگىلەنگەن ادامدار ساناتىمەن تولىقتىرىلادى. وسىعان بايلانىستى، پروباتسيا قىزمەتىنىڭ ەسەبىندە تۇرعان ادامدار سانىنىڭ 2,5 ەسەگە، ياعني 55 مىڭعا دەيىن كوبەيەتىنى بولجانىپ وتىر.

اۆتور: قانات مامەتقازى ۇلى 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى