الماتىلىقتار كولىك كەپتەلىسىنەن قۇتىلادى
الىپ شاھاردىڭ تۇرعىندارى ءۇشىن جاسالىپ جاتقان جاعدايعا شەتەلدىك ساراپشىلار دا جوعارى باعاسىن بەردى.
الماتىلىقتار كولىك كەپتەلىسىنەن قۇتىلادى. ويتكەنى، 2015-2016 - جىلدان باستاپ، قالاداعى قوعامدىق كولىك باعىتى وزگەرمەك. وسىعان سايكەس، جول اقىسىنىڭ تولەمى - ەلەكتروندى بيلەتكە اۋىسادى.
سودان كەيىن، جەڭىل رەلستى كولىك پەن جوعارى جىلدامدىقتى اۆتوبۋستار ىسكە قوسىلادى. وسىلايشا، الداعى ۋاقىتتا، وڭتۇستىك استانانىڭ اۋاسى تازارىپ، جولدارى جاڭارماق.
باستىسى قوعامدىق كولىك باعىتى بارشاعا ءتيىمدى بولادى. وتاندىق ماماندار، بۇل باستاما بىرنەشە ماسەلەنى شەشەدى دەپ وتىر. ال الماتىعا العاش رەت كەلگەن شەتەلدىك ساراپشىلار، تۇرعىندارعا ۆەلوسيپەدپەن كوبىرەك جۇرۋگە كەڭەس بەرەدى.
«مەنىڭ ويىمشا، قالا تۇرعىندارىنا قوسدوڭگەلەكتى كولىكپەن كوبىرەك ءجۇرۋدى ۇسىنۋ كەرەك. سونداي-اق، اۆتوتۇراقتاردىڭ سانى كوبەيتۋ ارقىلى دا كولىك قوزعالىسىن رەتتەۋگە بولادى. ءبىز الماتىعا تۇڭعىش كەلدىك، العان اسەرىمىز كەرەمەت»، - دەدى ساراپشى، گوللانديا گەرت ۋرحان.
ال، كەلەسى جىلى «بايتەرەك» حولدينگىنىڭ باسقارۋىمەن 350 مىڭ شارشى مەتر تۇرعىن ءۇيدىڭ قۇرىلىسى ءتامامدالادى دەپ كۇتىلۋدە. سونداي-اق، جىل سوڭىنا اياقتالعانشا 50 مىڭ شارشى مەتر ۇزاق مەرزىمدى جالعا الۋعا كەزەكتە تۇرعاندارعا بەرىلەدى. ەڭ الدىمەن، بۇل باعدارلامانىڭ كومەگىن مادەنيەت پەن دەنساۋلىق جانە ءبىلىم سالاسىنىڭ قىزمەتكەرلەرى پايدالانا الادى. ال قالادا بوي كوتەرىپ جاتقان قۇرىلىستىڭ سەيسمو كۇشەيتۋ جۇمىستارى باستى باقىلاۋدا تۇر.
«الماتىنىڭ سەيسمو كۇشەيتۋ جۇمىستارى جوعارى دەڭگەيدە قاداعالانادى ەكەن. ماسەلەن، مەن جاپون ەلىندە دە وسى سالادا جۇمىس اتقاردىم. سالىستىرمالى تۇردە ايتساق، الماتىداعى جاسالعان جاعداي ەداۋىر جوعارى»، - دەدى ساراپشى، فرانسيا پەر-ميشەل دەلپيۋش.
سونداي-اق، الماتىنىڭ اۋاسى دا كۇن سايىن جاسارىپ كەلەدى. ماسەلەن، ەكولوگيانى لاستايتىن قارا كومىرمەن جۇمىس ىستەيتىن جىلۋ جانە جارىق ورتالعىنىڭ بىرەۋى گازعا اۋسىپ ۇلگەردى. ەندىگى كەزەك، ەكىنشى - ورتالىقتا. ال قالاداعى كوك ءتۇتىننىڭ 80 پايىزى كولىكتەردەن شىعاتىنىن ەسكەرسەك، بۇگىندە بۇل ماسەلەنىڭ دە شەشىمى تابىلعان. قازىردىڭ وزىندە بارلىق مۋنيتسياپالدى اۆتوبۋستار گازبەن جۇرۋگە كوشتى. سونداي-اق، جەڭىل كولىكتەرگە نەسيە بەرۋشى كومپانيالاردىڭ كومەگىمەن ارنايى قۇرىلعىلار ورناتۋدا.
«الماتى» تەلەارناسى
