ولجاس قۇدايبەرگەنوۆ ق ر ۇلتتىق بانكى باسشىسىنىڭ كەڭەسشىسى قىزمەتىمەن قوش ايتىسپاق
«قوعامدا ەكونوميكاعا قاتىستى بەيتاراپ پىكىرلەرگە دەگەن قاجەتتىلىك بايقالادى. مەن وسىنداي قورىتىندىعا كەلدىم. ال مەنىڭ بۇل تۋرالى پىكىرلەرىم قوعامدا «ۇلتتىق بانكتىڭ قىزمەتكەرىنىڭ پىكىرى» رەتىندە عانا قابىلدانىپ ءجۇر. ويتكەنى مەن ول جەردەن جالاقى الامىن عوي. ەگەر مەن بۇرىن ءوزىمنىڭ پىكىرلەرىم مەن ساراپتامالارىم ءۇشىن تەك العىس الىپ كەلسەم، قازىر ءبىرقاتار ادامدار ولاردى جاقىن قابىلدامايتىن بولدى»، - دەپ جازادى و. قۇدايبەرگەنوۆ.
ول ەڭبەك كەلىسىمشارتىن 2015 - جىلدىڭ 1 - قاڭتارىنان ءارى قاراي ۇزارتپاۋدى ءجون كورىپتى. بۇل تۋرالى باسشىلىققا ەسكەرتىپ تە قويعان.
«ارينە، كەيبىر جايتتاردى ءالى ناقتىلاۋ كەرەك. ءبىراق شەشىم قابىلدانىپ قويىلدى. الداعى جىلدىڭ 1 - قاڭتارىنان باستاپ ماكرو ەكونوميكالىق زەرتتەۋلەر ورتالىعىنا ورالامىن (بيىل ول جاقتان ماعان زەرتتەۋلەر جاساپ بەرۋ تۋرالى وتىنىشتەر ءجيى ءتۇستى) . سونىمەن قاتار مەن «تاۋەلسىز ديرەكتور» نەمەسە «كونسۋلتانت» بولۋ تۋرالى ۇسىنىستاردى دا قاراۋعا دايىنمىن. ويتكەنى مۇنداي لاۋازىمدار مەنى جۇمىس ورنىنا تاۋەلدى ەتپەيدى جانە ماكارو ەكونوميكالىق تاقىرىپتاردى تالقىلاۋ اياسىندا مىندەتتەمە جۇكتەمەيدى»، - دەدى ول.
و. قۇدايبەرگەنوۆ سونداي- اق قازاقستان ەكونوميستەرى قاۋىمداستىعىنىڭ اتقارۋشى ديرەكتورى بولىپ قالا بەرەتىندىگىن جەتكىزدى. جانە ول «Taiburyl» قايىرىمدىلىق قورىنىڭ دامۋىنا دا ىقپال جاسايدى. وعان قوسا، الداعى جىلدىڭ قاڭتارىنان باستاپ ەلىمىزدەگى جوعارى وقۋ ورىندارىنىڭ بىرىندە ءدارىس وقيتىن بولادى.
«دەگەنمەن، مەن شتاتتان تىس كەڭەسشىلىك قۇقىعىمدى ساقتاپ قالدىم (بۇل تولەنبەيتىن قىزمەت) ، ياعني قايرات كەلىمبەتوۆپەن بيۋروكراتيالىق كەدەرگىلەرسىز تۇراقتى تۇردە كەزدەسىپ، ۇسىنىستار ايتۋعا مۇمكىندىك بولادى»، - دەدى ول.
ايتا كەتەلىك، ولجاس قۇدايبەرگەنوۆ ق ر ۇلتتىق بانكى باسشىسىنىڭ كەڭەسشىسى قىزمەتىنە بيىل قاڭتار ايىندا تاعايىندالعان بولاتىن.
اۆتور: جاپپاربەرگەن ايبوتا
