گەننادي گولوۆكيننىڭ جارقىن جەڭىستەرى - فوتو
اسىپقوي رينگتە گولوۆكين ورتا سالماق ساناتىندا (72 كەلىگە دەيىن) العاش رەت 2006 - جىلى سىنعا ءتۇستى. ءبىرىنشى 8 جەكپە-جەكتى ۋاقىتىنان بۇرىن جەڭدى.
2007 - جىلدىڭ قىركۇيەگىندە ول فرانتسۋزدىق مەحدي بوۋدلامەن(11-1) كەزدەسىپ، 8 راۋندتا ۇپاي سانىمەن باسىم ءتۇستى.
2008 - جىلى ساۋىردە يان گاردنەردى (20-3) ۇپاي سانىمەن ۇتتى.
2008 - جىلدىڭ قاراشاسىندا - كەزەكتى جەڭىس: 2- راۋندتا بەلارۋس ماليك دزيارر (29-3) كەزدەسۋدى جالعاستىرۋدان باس تارتتى.
2009 - جىلدىڭ 11 - شىلدەسىندە ءبىرىنشى رەت شارشى الاڭعا 12 راۋندتىق جەكپە- جەككە شىقتى. WBO- نىڭ ينتەركونتينەنتالدىق چەمپيون اتاعى ءۇشىن وتكەن كەزدەسۋدىڭ ەكىنشى راۋندىندا برازيليالىق دجون اندەرسون كارۆالونى نوكاۋتپەن جەڭدى.
ودان سوڭ بۇعان دەيىن بىردە ءبىر رەت جەڭىلىپ كورمەگەن ميحايل ماكاروۆتى (10-0) سۇلاتىپ سالدى.
2010 - جىلدىڭ تامىزىندا WBA نۇسقاسى بويىنشا 72 كەلى سالماق دارەجەسىندە ۋاقىتشا الەم چەمپيوناتى اتاعى ءۇشىن كولۋمبيالىق ميلتون نۋنەسپەن (21-1-1) جۇدىرىقتاستى. گولوۆكين قارسىلاسىن ءبىرىنشى راۋندتا- اق نوكاۋتقا جىبەردى.
كەلەسى كەزدەسۋىن گولوۆكين WBA نۇسقاسى بويىنشا الەمنىڭ تۇراقتى چەمپيونى اتانۋ ءۇشىن پانامالىق نەلسون حۋليو تاپيامەن شارشى الاڭدا كەزدەستى. قارسىلاسىن ول ءۇشىنشى راۋندتا ۇتتى.
2011 - جىلى گولوۆين ءوز تيتۋلىن ەكى رەت قورعاپ، كاسسيم وۋم مەن لاحۋان سايموندى ايقىن باسىمدىقپەن ۇتتى. سايمونمەن وتكەن كەزدەسۋدە گولوۆكين IBO نۇسقاسى بويىنشا الەم چەمپيونى اتاعىن جەڭىپ الدى.
2012 - جىلى تيتۋلدى ءۇشىنشى رەت قورعاۋدا گولوۆكين جاپوندىق ماكوتتو فۋچيگاميدى ەسىنەن تاندىردى.
2012 - جىلدىڭ 1 - قىركۇيەگىندە HBO امەريكالىق تەلەارناسىندا گەننادييدىڭ دەبيۋتى ءوتتى. گولوۆكين رينگكە جاس پولياك گجەگوج پروكسامەن شىقتى. ءبىرىنشى راۋندتا- اق ول پولياكتى سۇلاتتى.
2013 - جىلدىڭ 19- قاڭتارىندا Madison Square Garden ارەناسىندا گولوۆكين ەرىكتى تۇردە تيتۋلدى قورعاۋعا شىققان تەگى پۋەرتوريكاندىق ا ق ش بوكسشىسى گابريەل روسادومەن جۇدىرىقتاستى. گەنناديي ونى تەحنيكالىق نوكاۋتپەن ۇتتى.
2013 - جىلدىڭ 30 - ناۋرىزىندا موناكودا گەنناديي گولوۆكين جاپون بوكسشىسى نوبۋحيرو يسيدومەن كەزدەستى. گولوۆكين يسيدونى نوكاۋتقا ءتۇسىرىپ، ونى كاسىپقوي بوكستاعى العاشقى جەڭىلىسىنە ۇشىراتتى.
2013 - جىلدىڭ 29 - ماۋسىمىندا ا ق ش-تا گ. گولوۆكين بەلگىلى بريتانيالىق بوكسشى مەتتيۋ ماككلينمەن رينگتە كەزدەستى. بۇل جەكپە- جەك تە قازاقستاندىقتىڭ ايقىن باسىمدىعىمەن اياقتالدى.
2013 - جىلدىڭ 2 - قاراشاسىندا گەننادي ا ق ش-تا جەرگىلىكتى بوكسشى كيەرتيسا ستيۆەنسپەن جۇدىرىقتاستى. شيەلەنىسكە تولى جەكپە- جەكتىڭ 8- راۋندىندا كەرتيس گولوۆكيننىڭ بىرنەشە سوققىلارىنان كەيىن ەسەڭگىرەپ قالدى، جاتتىقتىرۋشىسى ونىڭ 9- راۋندقا شىعۋىنا جول بەرمەدى.
2013 - جىلدىڭ قورىتىندىسى بويىنشا گولوۆكين سالماق ساناتىنا قاراماستان جىلدىڭ ۇزدىك بوكسشىسى دەپ تانىلدى.
2014 - جىلدىڭ 1- اقپانىندا گولوۆكين مونتە-كارلودا گانالىق وسۋمان ادامامەن كەزدەستى. 31 جاستاعى گولوۆكين ءوزىنىڭ 33 جاستاعى قارسىلاسىن رينگتىڭ ءبىرىنشى، التىنشى جانە جەتىنشى راۋندتارىندا ەسەڭگىرەتتى. سوڭعىسىندا تورەشى كەزدەسۋدى توقتاتۋ تۋرالى شەشىم قابىلدادى.
2014 - جىلدىڭ ماۋسىمىندا گولوۆكين WBA سۋپەر چەمپيونى بولىپ تانىلدى.
2014 - جىلى 26 - شىلدەدە گولوۆكين اۆستراليانىڭ تانىمال بوكسشىسى، بۇرىنعى الەم چەمپيونى دەنيەل گيلمەن جەكپە-جەككە شىقتى. بۇل كەزدەسۋ نيۋ-يوركتەگى Madison Square Garden ارەناسىندا ءوتتى. ءۇشىنشى راۋندتا گولوۆكين كەزەكتى جەڭىسىنە جەتتى.
2014 - جىلدىڭ 19- قازانىندا گەننادي گولوۆكين تانىمال مەكسيكالىق بوكسشى، WBC نۇسقاسى بويىنشا ۋاقىتشا الەم چەمپيونى ماركو انتونيو رۋبيومەن جۇدىرىقتاستى. گولوۆكين ونى ەكىنشى راۋندتا سۇلاتىپ سالدى.
