قازاقستاندىق قىز بىرىككەن اراب امىرلىكتەرىندە قىزمەتشى ايەلدى ۇرىپ-سوقتى

22 جاستاعى حەديا ۋسمان  (Hedja Usman)جۇمىس بەرۋشىنىڭ ۇرىپ-سوققانىن ايتىپ، پوليتسياعا حابارلاسقان. قىزدىڭ شاشى جۇلىنعان، ول اۋرۋحانادا ءتورت كۇن جاتتى. ءۇي قىزمەتشىسىنىڭ ايتۋىنشا، قازاقستاندىق ازاماتشا ودان كولىگىنىڭ كىلتىن ۇرلادى دەپ كۇدىكتەنگەن. تاراپتار ىمىراعا كەلدى، ءبىراق قىز ءوزىن بىرىككەن اراب امىرلىگىنەن وتانىنا، ەفيوپياعا جىبەرۋدى سۇرادى. بۇدان كەيىن ىسكە افريكالىق ەلدىڭ ەلشىلىگى ارالاسىپ، قازاقستان ازاماتشاسىنا قارسى شاعىم ءتۇسىردى.

قازاقستاندىق ازاماتشا بارلىق ايىپتاردى مويىندامادى، مۇنىمەن قويماي ول ءۇي قىزمەتشىسى ونىڭ بالالارىن پىشاقپەن قورقىتقانىن ايتتى. ءىس سوتقا جىبەرىلدى. پروتسەستە جابىرلەنۋشى ەفيوپيا ەلشىلىگىنىڭ قورعاۋىندا بولادى. ول ۆيزاسىنىڭ ۋاقىتى ەكى جىل بۇرىن ءوتىپ كەتسە دە، وتباسىدا ءۇش جىلدان استام ۋاقىت جۇمىس ىستەگەن. ول ب ا ءا- دە زاڭسىز بولعان.

ەفيوپيانىڭ بىرىككەن اراب امىرلىگىندەگى باس ەلشىسى اەمەرو الەمۋدىڭ (Aemero Alemu) ايتۋىنشا، ەفيوپتار ءارقاشان بەيبىت جانە قايىرىمدى بولعان. «ەگەر ءۇي قىزمەتكەرى جۇمىس بەرۋشىنىڭ كوڭىلىنەن شىقپاسا جانە ءوزىن كۇماندى ۇستاسا، ونى ءوز وتانىنا قايتارۋ كەرەك نەمەسە بۇل تۋرالى قۇقىق قورعاۋ ورگاندارىنا حابارلاۋى كەرەك»، - دەدى ديپلومات.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى