مۇحاممەد ءالي ءوز دەنساۋلىعىنىڭ ناشارلاپ كەتكەنى تۋرالى اقپاراتتى تەرىسكە شىعاردى
«قاڭقۋ سوزدەرگە سەنبەڭىزدەر. مەن ءوزىمدى تاماشا سەزىنەمىن»، - دەيدى 72 جاستاعى بوكسشى.
13 - قازان كۇنى ءاليدىڭ دەنساۋلىعىنىڭ ناشارالاۋى سەبەپتى ول ءوز ءومىرى تۋرالى فيلمنىڭ تۇساۋكەسەرىنە كەلە المادى دەگەن اقپارات تاراعان ەدى.
سپورتشىنىڭ ءىنىسى راحمان ءالي اعاسىنىڭ سويلەۋگە مۇمكىندىگى جوق اۋىر جاعدايدا ەكەنىن ايتقان بولاتىن. بيىلعى جىلدىڭ باسىندا ءاليدىڭ ۇلى دا اكەسىنىڭ حالىنىڭ ناشارلاپ كەتكەنىن، ونىڭ جىل سوڭىنا دەيىن ءومىر سۇرۋىنە كۇمانداناتىنىن ايتقان ەدى.
ايتا كەتەيىك، اتاقتى بوكسشى 30 جىلدان بەرى پاركينسون اۋرۋىنا شالدىققان. بۇل دەرت جازىلمايدى، ال بارلىق ەمدەۋ تاسىلدەرى تەك ونىڭ سيمپتومدارىن جەڭىلدەتۋگە باعىتتالادى.
