ءومىرزاق شوكەيەۆ: «سامۇرىق- قازىنا» تابيعي رەسۋرستارمەن بايلانىستى كومپانيالارىن ساتىلىمعا شىعارمايدى

بۇل تۋرالى ك ت ك تەلەارناسىنىڭ «حالىق قىزمەتشىسى» باعدارلاماسىنا سۇحبات بەرگەن «سامۇرىق- قازىنا» ۇ ءا ق» باسقارماسىنىڭ ءتوراعاسى ءومىرزاق شوكەيەۆ ءمالىم ەتتى.

ونىڭ اتاپ وتۋىنشە، جەكەشەلەندىرۋدىڭ ەكىنشى تولقىنى اياسىندا 2014-2015 - جىلدارى قورعا قاراستى 106 كومپانيا ساتىلادى. ونىڭ ىشىندە 64 كومپانيا بيىل شىعارىلادى.

كومپانيالاردىڭ ءبىر بولىگى قازىردىڭ وزىندە قارجى مينيسترلىگىنىڭ ەلەكتروندى الاڭىنا قويىلعان.

«ءبىز ازىرشە، تابيعي رەسۋرستارمەن بايلانىستى كومپانيالاردى ساتىلىمعا شىعارمايمىز. ءبىز «سارى بەتتەر» دەپ اتالاتىن ەرەجەنى باسشىلىققا الامىز. بۇل سينگاپۋردا پايدا بولعان، تەلەفون انىقتاماسى. ەگەر تەلەفون انىقتاماسىندا وسى بيزنەسپەن اينالىساتىن جەكە كومپانيا بولاتىن بولسا، وندا ولار بۇل بيزنەسپەن اينالىسپادى. ءبىز وسى ەرەجەنى قازىر باسشىلىققا الۋدامىز»، دەدى ول.

 ءو. شوكەيەۆتىڭ سوزىنە قاراعاندا، قور سەرۆيستىك كومپانيالارىن عانا جەكەشەلەندىرۋدىڭ ەكىنشى تولقىنى اياسىندا باسەكەلەستىك ورتاعا بەرەدى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى